د ال فاټا لیویز اؤ خاصه دار ځواک لخوا د تېرې اوونۍ راهdسې روان احتجاج کې نور شدت هم راغلی او له مهمند قبایلي ضلعې وروسته په خېبر کې هم د ضلعي پولیس افسر(ډي پي او) دفتر ته قلف یا جرنده اچول شوې ده.
ډان ورځپاڼې د ال فاټا لیویز اؤ خاصه دار فورس د کمیټې له خولې ویلي چې دوي به د خپلو غوښتنو تر منل کېدو خپل احتجاج ته دوام ورکوي.
د ال فاټا لیویز اؤ خاصه دار فورس لخوا د تېرو پینخو ورځو راهیسې د خېبر ضلعې په باب خیبر مقام احتجاجي پرلت روان دی اؤ دغه ځواکونه وایي که غوښتنو ته یې غوږ ونه نیول شي نو په ټولو قبایلي ضلعو کې به د ضلعي پولیس افسرانو دفترونه وتړي.
د لیویز اؤ خاصه دار ځواکونو کمیټې ویلې چې د قبایلي سیمو صوبه کې د ورګډولو پینځه کاله وشول خو نه دغلته د پولیسي خدماتو نظام په پښو درول شوی اؤ نه دوي ته څه رقم مراعات ورکړل شوي دي.
دوي غوښتنه کوي چې د صوبې د نورو برخو د پولیسو په څېر مراعات دې ورته ورکړل شي.
یادې کمیټې پخپل بیان کې ویلي چې له پینځوو کالو تېرېدو وروسته هم په قبایلي ضلعو کې د دوي ترقۍ د ځنډ ښکار دي.
کمیټې ویلي چې د تېرې اوونۍ راهیسې روان احتجاجي پرلت کې تر اوسه کوم ذمه وار شخص یا اړونده چارواکي برخه نه ده اخیستې اؤ دوي اوس د ټولو قبایلي ضلعو د ډي پي اوز اؤ ایس پیز دفترونو ته د جرندو اچولو پرېکړه کړې ده.
کمیټې زیاته کړې ده چې چارواکي یې د غوښتنو په منلو کې سنجیده نه دي نو ځکه دوي پرېکړه کړې ده چې په دویم پړاؤ کې به د پولیو کمپین لپاره له امنیت ورکولو ډډه کوي.
کمیټې غوښتنه کړې ده چې باید د 22 نکتو ایجنډه یې زر تر زره عملي کړل شي.
وي او ای ډیوه د خاصه دار اؤ لیویز ځواکونو د احتجاج په اړه د خېبر پښتونخوا د پولیسو د مشر د نظر معلومولو لپاره د آي جي سره د ټيلي فون له لارې د تماس نیولو هڅه وکړه خو دغه هڅه بریالۍ نه شوه.
Forum