پاکستان کې په روان کال کې د وژل شویو خبریالانو شمېر پنځو تنو ته ورسېد

واشنګټن - د پاکستان په سېند صوبه کې هغه خبریال د جمعې په ورځ مړ شو کوم چې د دې اونۍ په سر کې په ټوپک ویشتل شوی و.

له دې سره په روان ۲۰۲۴ کال کې په پاکستان کې د وژل شویو خبریالانو شمېر پنځو تنو ته ورسېد.

ډاکټرانو او چارواکو د نصرالله ګداني مړینه تایید کړې. هغه وروسته له هاغې چې د نهې یا سې شنبې په ورځ پرې د سېند په یوې لېرې ضلع کې د ناپېژاندو کسانو لخوا ډزې وشوې د کراچۍ په یو روغتون کې تر درملنې لاندې و.

د دغه برید پړه چا پر غاړه نه ده اخېستې.

فعالانو او همکارانو یې ویلي، چې وژل شوي خبریال هر کله په خپلو راپورونو کې د سېند صوبې ټولنیزې ستونزې راپورته کړي.

کداني همدارنګه د سیمې په ځواکمنو کسانو باندې نیوکې کولې چې له امله یې هغه څو ځله د پولیسو لخوا بندي شوی هم دی.

همدا خبره د پاکستاني خبریال حامد میر لخوا په ټولنیزې رسنۍ اېکس یا پخواني ټوېټر باندې هم یاده شوې ده.

د کداني د مړینې خبر د خبریالانو او مدني ټولنې د غړو ترمنځ غوصه راپارولې او د وژل شوي خبریال په حق کې یې د عدالت غوښتلو لپاره احتجاجي لاریون هم کړی.

د سېند وزیر اعلی مراد علي شا په یو بیان کې ویلي، "زه د نصرالله د کورنۍ او د هغې رسنۍ سره یوځای چې هغه ورسره کار کاوه په ژوره توګه خواشینی او خفه یم."

انتقاد کونکي بیا د ادعاو له مخې د شا حکومت په سېند کې د رسنیو په ځینو کار کونکو باندې د وروستیو بریدونو تر شا بولي.

د پاکستان د بشري حقونو کمېشن چې د بشري حقونو د څار یو مخکښ کمېشن دی ویلي، چې دوی په هېواد کې خبریالانو ته د ور پېښ حالت په اړه "په ژوره توګه خواشیني" دي.

دوی د سېند له حکومت څخه غوښتي چې د کداني د وژل کېدو په اړه دې پلټنې وکړي او په قتل کې له ککړو کسانو سره دې حساب وشي.

په ورته وخت کې د ژورنالستانو د ژغورنې کمېټې یا کامیټي ټو پروټېکټ جورنالستس په پاکستان باندې زور راوړی چې چې د احمد فرهاد په نامه فریلانس خبریال او شاعر د ځای ځایګوټي په اړه دې معلومات ورکړي.

ګڼو کسانو هغه یوه اونۍ مخکې په پلازمېنه اسلام اباد کې له خپل کور څخه د باندې نیولی دی او په زوره یې خپل موټر ته پورته کړی دی.

له پېښې وروسته د هغه مېرمنې د هغه په اړه په اسلام اباد هايي کورټ کې کېس اچولی.

د شاه مېرمنې سعیده عروج زېنب د پاکستان په استخباراتي ادارې آی ایس آی باندې تور لګولی چې هغه یې د هېواد د ځواکمن پوځي اسټبلېشمنټ پرضد د فعالیت له امله تښتولی دی.

د اسلام اباد هايې کورټ د جمعې په ورځ‌ د دغه کېس د اورېدلو پر وخت محکمې ته د هېواد د استخباراتي چارواکو د حاضرېدو حکم وکړ او محکمه به پرې د مې په ۲۹ نېته اورېدنه کوي.

د بخښنې نړیوالې ادارې یا امنیسټي انټرنېشنل د جمعې په ورځ په اېکس یا پخواني ټوېټر باندې لیکلي،

"د هغه ځای نه دی معلوم. احمد د حکومتي ځورونې، په تېرو کې په زوره د بې درکیو په اړه له ډار پرته څرګندونې کولې."

د پاکستان په آی ایس آی باندې د اوږدې مودې راهیسې تور پورې کېږي چې د خبریالانو او سیاسي فعالانو او د هغو فعالانو په زوره بې درکۍ کې لاس لري کوم چې د هېواد په سیاست کې د پوځ په رول باندې نیوکې کوي.

خو آی ایس آی او د هغوی په مرسته راغلو حکومتونو تل دغه ادعاوې رد کړې دي.