لاس رسیدونکی لینک

تازه خبر

چيف جسټس لاهور هايکورټ: رياستي ادارې عدالتونو ته ګواښونه کوي، ځوروي یې ‏


د پاکستان د پنجاب صوبې د لاهور هايکورټ چيف جسټس ملک شهزاد احمد ويلي، رياستي ادارې عدالتونو ته د ګواښونو، ځورونو او عدالتي عملې د ‏ځورولو سبب ګرځي او په عدالتي چارو کې خنډونه جوړوي.‏

د ډان وېب پاڼې د خبر ترمخه، چيف جسټس دغه څرګندونې د سرګودهې د ترهګرۍ ضد عدالت جج ته د استخباراتي او قانون نافذونکو ادارو لخوا د ‏ګواښونو د تورونو په اړه قضيې په فېصله کې کړي دي.‏

د سرګودهې د ترهګرۍ ضد عدالت جج په استخباراتي ادارې (آي اېس آی) د ځورولو تورونه لګولي وو، لاهور هايکورټ په دغه ‏اړه از خود نوټس اخستی، ‏او په ‏‎13‎م جون هايکورټ د تورونو د قضيې فېصله محفوظ کړې وه.‏

د رپورټونو ترمخه، د لاهور هايکورټ رجسټرۍ ته په اووم جون يو خط ترلاسه شوی، د سرګودهې د ډسټرکټ اېنډ سيشن جج محمد عباس په ياد خط کې ‏‏ویلي وو، په ‏‎25‎‏ مې د هغه د ترهګرۍ ضد عدالت کې د جج په حېث لومړۍ ورځ وه، هغه ته پيغام ترلاسه شوی وو چې د استخباراتي ادارې آی اېس آی ‏ځينې ‏چارواکي ورسره په چېمبر کې ليدل غواړي.‏

خو هغه ورسره د ليدو نه انکار کړی، او د هغې وروسته ورته، د کورنيو ځينو غړو یې ويلي چې نامعلومه کسانو د شپې په وخت د هغه د کور ګېس ميټر ‏‏مات کړی وو.‏

هغه په خط کې ويلي وو، کورنۍ ته یې تيره مياشت د بجلۍ بل هم د حساب نه زيات ترلاسه شوی، د خپلوانو نه یې د ده په اړه معلومات اخستل شوي او په ‏‏شپږم جون بيا د ترهګرۍ ضد عدالت د دروازې نه بهر په ټرانسفرمر ډزې شوې وې.‏

له دغې پېښې څو ورځې وړاندې د سرګودهې د ترهګرۍ ضد خصوصي عدالت د نهمې مې په مقدمو کې فېصله اورولې او د پاکستان تحريک انصاف ‏ګوند د ‏‎70‎‏ نه زيات ‏غړي یې بري کړي وو.‏

د لاهور هايکورټ چيف جسټس پرونۍ فېصله کې ويلي، "د بده مرغه يادونه کيږي، د رياستي ادارو دنده ده چې عدالتونو ته تحفظ او درناوی وکړي خو د ‏سرګودهې د جج لخوا ځانګړي رپورټ کې ويل شوي چې رياستي ادارې عدالتونو او عملې ته یې د ګواښونو او ځورونو سبب ګرځي او په عدالتي چارواکو ‏کې خنډونه جوړوي".‏

په فېصله کې زياته کړل شوې، "رياستي ادارو د دې ملک د وګړو د قانوني تحفظ او ورسره د قانون ترمخه چلند اييني حقونه رد کړي او عدالتونو ته د تلو ‏مخه یې ورله نیولې ده".‏

ويل شوي عدالت په فېصله کې د پنجاب پوليس د مشر رپورټ هم د تسلۍ وړ نه دی ګرځولی او ويلي يې دي پوليسو د ترهګرۍ ضد عدالت د جج لخوا د ‏استخباراتي ادارې (آي اېس آی) په چارواکو د تورونو د تاييد دپاره د يادې ادارې د يو چارواکي سره هم رابطه نه ده کړې.‏

چيف جسټس په بله اورېدنه په ليکلې بڼه د ځوابونو لارښوونه کړې او د کورنيو او دفاع سيکرټريانو ته یې د پنجاب پوليس مشر سره د مرستو سېوا کولو ‏حکم کړی دی.‏

په ‏‎14‎م جون نوموړي چيف جسټس ویلي وو، باور لري په عدليه کې به د اسټبلشمنټ ممکنه لاسوهنه زر ختمه شي، هغه ويلي وو، عدليه د اسټبلشمنټ څخه ‏‏ځان خلاصولو دپاره مبارزه کوي.‏

چيف جسټس ملک شهزاد احمد خان دغه خبره په راولپنډۍ کې يوې دستورې ته په ‏وينا کې کړې وه.‏
پاکستان کې د تېرې يوې مودې نه په عدليه کې د لاسوهنې خبرونه په ښکاره مخې ته راځي او ځينو ججانو په ښکاره ويلي چې استخباراتي ادارې په ‏‏عدالتونو کې لاسوهنې کوي.‏

د مارچ د میاشتې په وروستيو کې د اسلام اباد هايکورټ شپږو ججانو په عدليه کې د استخباراتي ادارو د ښکاره مداخلې پر ضد سپريم جوډيشل کونسل ‏‏‏ته خط ليکلى او غوښتنه يې کړې وه چې د ښکاره مداخلې او په قاضیانو د فشار راوړلو په اړه دې یو قضایي کنونشن راوبلل شي.‏

دا خط د اسلام اباد هایکورټ دشپږو ججانو جسټس محسن اختر کیاني، جسټس طارق محمود جهانګیري، جسټس بابر ستار، جسټس سردار اعجاز ‏‏‏اسحاق، جسټس ارباب محمد طاهر او جسټس تمیم رفعت امتیاز لخوا لیکل شوی وو.‏

د پاکستان په پوځ وخت په وخت په سياست کې د لاسوهنې تورونه هم لګول شوي، او مخکيني پوځي مشر (ر) جنرل قمر جاوېد باجوه د کال ‏‎2022‎م په 23 ‏نومبر خپله وروستۍ وينا کې منلې وه، چې پوځ د تيرو 70 کالو نه په سياست کې مداخلت کړی خو ويلي یې وو، اوس پوځ پرېکړه کړې چې نور به ځان د ‏سياست نه په ډډه ساتي.‏

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG