لاس رسیدونکی لینک

تازه خبر

پاکستان

په افغانستان او پاکستان کې د 85 پښتنو د وژنو زموار څوک او پرې سیاسي او مذهبي مشران خاموشه ولې دي؟

په تیره یوه اونۍ کې د افغانستان په ننگرهار، او د پاکستان په سيند او پښتونخوا صوبو کې نزدې 85 کسان وژل شوي چې ټول پښتانه وو، څیړونکي وايي د دوه لسیزو نه زیاته موده وشوه چې د وژنو دا لړۍ نه ودریږي.

په ټولڼیزو رسنیو تازه وژنو ته بې رحمه وژنې ویل شوي. ځیني سیاسي کارکنانو د خواشینیو ښودولو ترڅنگ په دغو وژنو د سیاسي او مذهبي مشرانو په خاموشه پاتې کیدلو پورې طنزیه ټویټونه اوسوالونه هم کړي دي.

په ټويټرد پښتونخوا ملي گوند یو زلمي فعال داود خان پښتون لیکلي دي:

"په درې ورځو کې پښتون قام 85 جنازې پورته کړې نه خو چا په فلسطین کې احتجاج وکړو او نه په کشمير کې چا لاریون او نه چا غندنه وکړه"

د پښتنو په سیمو کې مذهبي گوندونه په کشمير یا فلسطین کې د وژنو په ضد اکثره احتجاجونه کوي او د جمعې په خطبو کې امامان هند او اسرایل ته بدې ردې وايي.

په پاکستان او افغانستان کې د ترهگرو په حملو، په پوځي عملیاتو یا د احتجاجونو په مهال د عسکرو د لاسه د وژنو پېښې نوې خبره نه ده.

د مۍ په 26 مه نیټه د شمالي وزيرستان په خړ کمر چیک پوسته د احتجاج په وخت 16 مظاهره چیان وژل شوي وو. د شمالي وزیرستان نه د قومي اسمبلۍ غړي محسن داوړ ډیوه ته ويلي وو دا مظاهرچیان د پاکستان عسکرو په ډزو وژلي وو. د پاکستان پوځ وايي حمله د پي ټي ایم غړو کړې وه.

هم روان کال د فبرورۍ په 12 مه نیټه د بلوچستان په لورا لاي سیمه کې د احتجاج په وخت د پي ټي ایم یو مخکښ ارمان لوڼی د پولیسو په حمله کې وژل شوې وو.

که څه هم ددغو دعوو تصدیق کوم بې پلوه نړيوال تنظیم یا عدالت نه دی کړی خو په پاکستان کې د پښتنو د تحفظ لپاره کارکونکي تنظيم پښتون ژغورنې غورځنگ مشران تل تور پورې کوي، چې ریاستي ادارې د پښتنو نسل وژنه کوي.

د پاکستان چارواکي نه یواځې دغه تورنه ردوي بلکې په ځواب کې وايي پي ټي ایم د هیواد د غلیمانو په لمسه د اړي گړي جوړولو کوښښونه کوي.

د پاکستان د چارواکو ترمخه د هیواد امنيتي ادارو تل د اولس دفاع کړې. د پاکستان حکومتي او پوځي چارواکو بیا بیا تکرار کړې چې پاکستان د ترهگرۍ خلاف په شریکه جگړه کې سترې قربانۍ ورکړي دي او په تیره یوه نیمه لیسزه کې د امنیتي عسکرو په گډون نزدې 70000 زره پاکستانیان وژل شوي دي خو د پي ټي ایم مشران وايي په دغو وژل شوو کسانو کې د 50000 زره نه زیات پښتانه وو.

د پي ټي ایم مشر منظور پښتين څه موده وړاندې د امرېکې په ورجینیا کې ېوې جلسې ته په ویډیو وینا کې ويلي وو د جنگ په نوم ټوله گټه د هیواد نورو برخو ته ورسول شوه او پښتنو ته یواځې تباهي ورسول شوه، هغه وویل:

" کنسټرکشن (ابادي) په پنجاب او ډيسټکرشن(بربادي) په پښتونخوا کې کیږي"

د منظور پشتين په خیال د تر هگرۍ خلاف په جگړه کې یواځې هغه ځایونه برباد شول چرته چې پښتانه اباد وو:

"په جنگ کې دوي ځانونه اباد کړل او پښتانه پکې برباد شول"

د تېرې یوې اونۍ پېښو ته یوه لنډه کتنه

ننگرهار- اکتوبر 18

د افغانستان د مشرقي صوبې ننگرهار د هسکې مېنې اولسوالۍ په یو جومات کې د جمعې د لمانځه په مهال په چاودنه کې 69 کسان وژل شوي او 34 ژوبل شوي دي.

د ننگرهار نه یو ټولنيز فعال ويلي وژل شوي په خټه شینواري پښتانه وو، فعال چې نوم نه ښودل غواړي وايي د هسکې مېنې ټول نارينه یې مړه کړل.

د ملگرو ملتونو ادارې یوناما ویلي دي په افغانستان کې یواځې په تیرو دوه میاشتو کې نزدې 1200 کسان وژل شوي. اداره وايي دا د وژنو په تیرو لسو کې د تر ټولو لوړه کچه ده. اداره وايي د کال 2019 په لومړیو 9 میاشتو کې 2563 افغانان وژل شوي دي.

ټانک- اکتوبر 17

د اکتوبر په 17 مه نیټه د خېبرپښتونخوا په جنوبي ضلع ټانک کې د ډزو په پېښه کې 13 کسان وژل شوي دي. د ټانک پوليس وايي دا مړي د ټانک نه 30 کلوميټره لرې د لکي مروت سره په پوله ملازۍ سيمه کې د دوه ډلو ترمنځ په جگړه کې شوي. خو د وژل شوو خپلوانو ویلي د چا سره یې دښمنۍ نه وي.

په ډزو کې د يو وژل شوي 12 کلن ماشوم سجاد تره ډيوه ته وويل دغه ماشوم نور ماشومان د مدرسې نه کور ته بوتلل او په لار کې ترې کسانو پوښتنه وکړه چې شناختي کارډ وښايه او د شناختي کارډ په نه ښکاره کولو یې مړ کړو. دغه شان دعوې د سیمې نورو اوسیدونکو هم کړي دي.

کراچۍ - اکتوبر 16

د کراچۍ څخه خبریالان وايي په 16 م اکتوبر د پاکستان د نيم پوځي ځواک رینجزز په نیغو ډزو کې درې احتجاج کونکي وژل شوي دي. د شمالي وزیرستان نه د قومي اسمبلۍ غړي محسن داوړ ویلي دي وژل شوي کسان د شمالي وزیرستان وو. درې واړه ډرایوران وو.

په یوه ویډیو کې لیدل کیږي چې درې مړي په وینو کې لړلي پراته دي، یو تن په پنجابي ژبه کې وایي:

"ډرېورانو رېنجرواله (نيم پوځي ځواک) په کاڼو وویشتل او بیا رېنجرز راغلل مخامخ یې په ډرېورانو ډزې وکړې"

د بشري حقونو یو فعال شېر ايوب په کراچۍ کې د ډيوه خبریال ته ويلي، د پوځي ادارې فرنټير ورکس ارگنایزیشن او د موټروې چارواکو په گاډو کې د زیات وزن د حساب په وجه تر دریو ورځو راهیسې ټرکونه ودرولي وو، ډرایورانو په دغه خبره احتجاج کوو چې په ډزو اووژل شول.

رینجرز چارواکو په دغه پېښه تر اوسه خپل غبرگون نه دی ورکړې خو رپورټونه وايي چې د سیند اعلا وزير مراد علي شاه د صوبې د پولیسو موقتي مشر ته امر کړی چې د پیښې بې پلوه پلټنې دي وکړي. پاکستاني مطبوعاتو د یو پولیس چارواکي په حواله ليکلي دي چې په پېښه کې د ککړو کسانو پپژندگلو نه ده شوې او نه څوک نیول شوي دي.

See all News Updates of the Day

پاکستان ویلي، آي ایم ایف نه لږ تر لږه د دریوؤ کالو نوي پور اخستو ته اړتیا لري

د پاکستان د خزانې مرکزي وزیر محمد اورنګزیب وایي پاکستان د نړیوالې مالیاتي ادارې آي ایم ایف څخه لږ تر لږه د دریوؤ کالو د پور نوي پروګرام ترلاسه کولو ته اړتیا لري.

کراچۍ کې د سټاک ایکسچینج له لوري راجوړې شوې یوې دستورې ته خپله وینا کې د خزانې وزیر ویلي چې د پاکستان پلاوی به آي ایم ایف اؤ ورلډ بینک سره مذاکراتو لپاره په 14م او 15م اپریل واشنګټن ته ځي اؤ هلته به د پور د نوي پروګرام په څرنګوالي خبرې کوي.

نوموړي ویلي د پور په دې نوي پروګرام به بشپړه خبرې بیا وروسته په پاکستان کې کیږي.

محمد اورنګزیب ویلي، د آي ایم ایف شرطونه د ملک لپاره غوره دي اؤ دا به هغه وخت د پور وروستی پوګرام شي چې مونږ اسټرکچرل پالیسۍ خپلې کړو.

د خزانې وزیر ویلي دا مهال مون خپل ټول پام مالي چارو ته ګرځولی اؤ پوهه یو چې څه کول پکار دي اؤ ولې پکار دي؟

هغه ویلي چې آي ایم ایف سره د مامورینو په کچه تړون د نګران حکومت د منظمو ګامونو له امله ممکن شوی دی اؤ د نګران حکومت په دوره کې مالي چارې غوره شوي دي.

نوموړي ویلي چې د نجکارۍ د پلان په اساس به خساره کې روانې ادارې شخصي څانګې ته ورکولی شي اؤ د پي‌ آي ای نجکاري اؤ د ایرپورټ له منعې ویستل په خاص پړاؤ کې دي اؤ هڅه روانه ده چې د جون تر میاشتې د پي آي ای نجکاري سرته ورسولی شي.

پاکستان دا وخت د ګرانۍ، د روپۍ د ښکته غورځېدونکي قدر، زر مبادلې د کمي او د بهرنیو قرضونو د دروند بوج سره مخ دی او اقتصاد پوهان وايي دې هېواد سره د اي اېم اېف پرته بله لاره نشته.

اقتصاد پوهان وایي د پاکستان د زر مبادلې ذخيرې په چټکیتا سره مخ په ښکته روانې دي، د اپریل میاشت کې د بانډونو په مد کې 1 ارب ډالر قرض بېرته ستنول وي، د بجلۍ د څانګې ګردشي قرضې د 27 اربه روپو څخه اوښتي دي او د انرژۍ په نرخونو کې د پرله پسې اضافې له کبله ګراني سېوا کېږي.

ډاکټر ساجد امين، اقتصاد پوهه ډاکټر ساجد امین ډیوه ته ویلي، دا وخت د پاکستان د زر مبادلې ذخيرې خوا شا اته نيم اربه ډالره دي او په راتلونکو شپږو میاشتو کې به ورته 24 اربه ډالره قرضې بېرته ستنول وي.

هغه وایي بېرته ستنوونکې قرضې د پاکستان د زر مبادلې د ذخېرې نه درې چنده زیاتې دي "او مونږ سره دومره پېسې نشته نو ځکه د پاکستان سره له آي اېم اېف پرته بله چاره نشته"

اقتصاد پوهه اشفاق حسن خان وايي پاکستان د کال 1988 راهیسې په پرله پسې توګه د آي اېم اېف په پروګرامونو کې شامل پاتې شوی دې خو بيا هم اقتصادي ثبات ته ونه رسېدو.

وي او ای ډیوه خبریال ارشد حسین سره خبرو کې کې هغه ویلي، د آي اېم اېف پروګرام داسې نه وي جوړ چې ورسره په يو هېواد کې ترقې او څوکالي راشي.

د هغه په وینا "د آي اېم اېف پروګرام په بنيادي توګه انحصاريت پېدا کوي او د غړو هېوادونو دغه انحصاريت سېوا کوي چې داسې هغوي يو یا بل اړخ ته نه شي کتلی"

د پاکستان وزير اعظم شهباز شريف د حکومت سمبالولو څخه سمدستي وروسته خپلې اقتصادي ډلې ته چې مشري یې د خزانې مرکزي وزير محمد اورنګزیب کوي، وېلي وؤ چي د نړیوالې مالياتي ادارې سره د يو بل اوږد مهاله قرض پروګرم ترلاسه کولو لپاره خبرې پېل کړي.

د پاکستان حکومت لا نه ده واضحه کړې چې د آي اېم اېف څخه به د اږود مهاله پروګرام لاندې څومره رقم اخستل غواړي خو امريکايي خبري ادارې بلومبرګ فرورۍ کې خپل رپورټ کې ويلي وو چې پاکستان له اي اېم اېف 6 اربه ډالره نوره قرضه ترلاسه کول غواړي.

علي امین ګنډاپور: امنيت د صوبايي حکومت لومړيتوب دی

په داسې وخت کې چې په خېبرپښتونخوا صوبه کې د ناامنۍ پېښې دوام لري، د صوبې وزيراعلا علي امين ګنډاپور ويلي، امنیت د صوبايي حکومت ‏لومړيتوب دی د خلکو د مال او ځان ساتنه يقيني کول یې مقصد دی.‏

علي امين ګنډاپور د کورنيو چارو مرکزي وزير محسن نقوي سره پېښور کې په وزيراعلا هاوس کې ليدلي دي.‏
د صوبې د اطلاعاتو څانګې د ليدنې په اړه ويلي، دواړو د صوبې د امنیتي معاملاتو په اړه بحث کړی او صوبه کې د امنیت ښه کولو دپاره د مرکزي په ‏صوبايي کچه د قانون نافذونکو ادارو ترمنځه د رابطې ښه کولو په خبره یې اتفاق شوی دی.‏

ویل شوي، په ليدنه کې په چینايي وګړو د بريد غندنه شوې، په پېښه کې د ککړو کسانو منطقي انجام ته رسولو او ترهګرۍ ختمولو عزم څرګند کړل شوی ‏دی.‏

په ‏‎26‎م مارچ د خېبرپښتونخوا په شانګله سيمه کې په يو قافله ځانمرګي بريد کې د چينايي وګړو ګاډی په نخښه شوی، پينځه چينايي اينجينيران او ‏پاکستانی ډرايور یې پکې وژل شوي وو.‏ د يادې پېښې وروسته پاکستان کې د چین سفارتخانې دغه پېښه د افسوس وړ بللې او د پاکستان حکومت نه یې غوښتنه کړې ده چې د پېښې هر اړخیزه ‏پلټنې ‏وکړي په دې کې ککړ کسان دې د انصاف محکمې ته راکش کړی شي.

‏چين ویلي، پاکستاني چارواکي باید د چین د وګړو حفاظت لپاره موثره او عملي ګامونه پورته کړي.‏
له دغې وروسته بيا د پاکستان د وزيراعظم شهباز شريف په مشرۍ د امنيت دپاره غونډه کې ويل شوي وو، "د ‏چينايي دوستانو، په ملک کې حساسو ‏ځايونو او ملکي خلکو د ساتنو دپاره به ټول اقدامات کیږي".‏

د وزيراعظم په مشرۍ غونډه کې د پوځ مشر جنرل عاصم منير او نورو لوړ پوړ چارواکو ګډون کړی وو.‏
د محسن نقوي سره په ليدنه کې علي امين ګنډاپور ویلي، په صوبه کې به پوليس او نورې قانون نافذونکې ادارې پياوړې کولی شي، او د دې مقصد دپاره ‏به د يوې کوټلې تګلارې لاندې اقدامات کولی شي.‏ ګنډاپور زياته کړې، خېبرپښتونخوا د ترهګرۍ څخه تر ټولو زياته اغېزمنه شوې ده.‏

په ‏‎16‎م مارچ د افغانستان سره په پوله پرتې د خېبرپښتونخوا د قبايلي ضلعې شمالي وزیرستان په میرعلي سیمه کې د پوځ په یوه پوسته یو ستر خونړی ‏برید شوی، دوه لوړپوړي پوځي افسران او پینځه عسکر پکې وژل شوي وو.‏

د يادې پېښې وروسته پاکستان بيا په ‏‎18‎مه نېټه د افغانستان په پکتيکا او خوست کې د جنګي الوتکو د لارې د ترهګرو په نخښه کولو دعوه کړې خو ‏طالبانو دغه بريدونه غندلي او ویلي يې وو، په بريدونو کې اتنه تنه ښځې او ماشومان وژل شوي وو.‏

‎پاکستان کې د شخړو او امنيت د مطالعاتو څيړنيزې غېر حکومتي ادارې پاکستان انسټيتیوټ فار کانفلیکټ اینډ سیکيورټي سټډیز (پيکس) ويلي، د ‏‏فرورۍ په مياشت کې په خېبرپښتونخوا کې د ترهګرۍ پېښې کمې شوي خو بلوچستان صوبه کې زياتې شوي او په ملک کې د امنيت مجموعي صورتحال ‏‏د جنورۍ څخه بدل نه وو.‏

پيکس د فرورۍ په میاشت کې شوو حملو او ترهګرۍ د پېښو په اړه جاري کړي رپورټ کې ويلي، په ټول ملک کې په ‏‎97‎‏ حملو کې ‏‎87‎‏ ‏کسان وژل شوي او ‏‏‎118‎‏ ژوبل شوي وو.

افغان طالبان: د خواجه اصف بيان "د خپلې ذمه وارۍ نه تېښته ده"‏

‏په افغانستان کې د واکمنو طالبانو وياند ذبيح الله مجاهد ويلي، د پاکستان د دفاع وزير خواجه اصف بيان "د خپلې زمه وارۍ نه تېښته ده او د خپلې ‏ناکاميو توجيه کول دي". خواجه اصف تور لګولی وو، په "پاکستان کې د ترهګرۍ ‏منبع (سرچینه) په افغانستان کې ده" او کابل د وسله والو د مرکزونو په ‏اړه معلومات لري خو په دې اړه يې څه پرمختګ نه دی کړی او وسله وال په ازاده د پاکستان خلاف فعالیتونه کوي.‏

د طالبانود کنټرول لاندې د افغانستان ملي رېډيو ټيلي ويژن سره په خبرو کې ذبیح الله مجاهد د پاکستان د دفاع وزير بيان "بې بنسټه بللی" او زياته کړې ‏یې ده، افغانستان خپله ستونزې لري او مشکلات یې ګاللي دي.‏
هغه ويلي، "دلته (افغانستان) د ستونزو منبع بلل غلطه خبره ده، د خپل مسوليت نه تېښته ده او د خپلو ناکامیو توجيه کول دي".‏

مجاهد زیاته کړې، "که د پاکستان هدف د هغو د طالبانو تحریک (تحریک طالبان پاکستان) وي نو هغه خو شل کاله هلته موجود وو جګړه یې کړې ده هغه ‏خو د دوی خپله ستونزه ده، او که امنیتي ستونزې لري هغه خو د دوی د کورنيو موضوع برخه ده دا په افغانستان پورې تړل ناانصافي هم ده او غلطه هم ده ‏مونږ یې ردوو".‏

د طالبانو وياند ویلي، "داسې تورونه بايد ونه لګي، اصلي د ستونزو حل بايد په خپل کور کې ولټول شي".‏
خواجه اصف په اېکس (پخواني ټويټر) پوسټ کې دعوه کړې، "په افغانستان کې د ترهګرو ځالې معلومې دي"، هغه په افغانستان کې د واکمنو طالبانو د ‏نوم يادولو بغېر ويلي، "هغوی د ترهګرو په ځالو خبر دی او د هغې باوجود د هغوی خاوره د پاکستان خلاف په ازاده توګه استعماليږي".‏

د پاکستان د دفاع وزیر دا تازه تور په داسې وخت کې لګولی چې په ‏‎26‎م مارچ د خېبرپښتونخوا په شانګله سيمه کې په يو قافله ځانمرګي بريد کې د ‏چينايي وګړو ګاډی په نخښه شوی، پينځه چينايي اينجينيران او پاکستانی ډرايور یې پکې وژل شوي وو.‏

پاکستان تور لګولي تحریک طالبان پاکستان ډله په افغانستان کې شتون لري او د پاکستان خلاف حملې کوي.‏
بشام کې په چينايانو ترسره شوی بريد څخه تحریک طالبان پاکستان د لاتعلقۍ ويلي وو. د ياد بريد زمه واري تراوسه پورې چا نه ده منلې.‏

پاکستان د روانې میاشتې په ‏‎18‎مه نېټه د افغانستان په پکتيکا او خوست کې د جنګي الوتکو د لارې د ترهګرو په نخښه کولو دعوه کړې خو طالبانو دغه ‏بريدونه غندلي او ویلي يې وو، په بريدونو کې اتنه تنه ښځې او ماشومان وژل شوي وو.‏

پاکستان په افغانستان کې بريدونه وروسته له هغې کړي چې په ‏‎16‎م مارچ د افغانستان سره په پوله پرتې د خېبرپښتونخوا د قبايلي ضلعې شمالي ‏وزیرستان په میرعلي سیمه کې د پوځ په یوه پوسته یو ستر خونړی برید شوی، دوه لوړپوړي پوځي افسران او پینځه عسکر پکې وژل شوي وو.‏

پاکستان او د طالبانو حکومت د دوه اړخیز تجارت او ټرانزیټ په اړه تړون لاسلیک کړ

د پاکستان او افغانستان تر منځ د دوه اړخیز تجارت په اړه دوه وﺭځنۍ خبرې ختمې شوې دي او دواړه هيوادونه په خپل منځ کې د تجاﺭت پرمختګ لپاﺭه په مهمو شرطونو متفق شوي دي چې له مخې به یې د پاک افغان ټرانزیټ په مخ کې جوړې ستونځې به هم هواﺭيږي.

په دې اړه په کابل کې د افغانستان د صنایعو او سوداګرۍ وزیر الحاج نورالدین عزیزي او د پاکستان د سوداګرۍ وزارت مرستیال محمد خرم اغا په خبري غونډه کې لاندې فیصلې کړې دي:

1- 8 کرنیز توکي او 2 صنعتي توکي تقريباً دغو لس توکو ته به دواړه هيوادونه ترجيح وﺭکوي چې وﺭباندې محصولات کم کړي، که چېرې نوﺭ توکي هم په دغه کې شاملول غواړې، دواړه خواوې به په 15 ورځو کې فهرست ترتیب او شریک کړي او بيا به د آنلاین ناستې له لارې له بحث وروسته موافقه وشي.

2- له پاسپورټ او ویزې پرته د دواړو خواوو موټرچلوونکو او معاونینو ته پر عاﺭضي اجاﺯتنامه باندې اجازه ورکړي، د دواړو خواوو زاړه ترتیبات به د اپریل تر 30مې پورې دوام وکړي، ټاکل شوي دفترونه به د اپریل له لومړۍ نېټې د دواړو هیوادونو ترمنځ د لاریو چلوونکو/کلینرانو لپاره د عارضي اجازتنامې ورکولو کار به پیل کړي.

افغان لوري ویلي چې د پاکستان وړاندیز به اړوندو خواوو ته ورسوي. د نتیجې په توګه دواړه خواوې به په فعاله توګه د یو کال په اوږدو کې د حل موندلو لپاره کار وکړي.

3- دواړو خواوو موافقه وکړه چې پاکستان به په شپږو میاشتو کې د کراچۍ په بندر کې د افغان ټرانزیټ د کلېرنګ لپاره د برت یا ځای جوړولو اسانتیاوې برابروي.

4- د دواړو هېوادونو د هوايي ډګرونو له لارې د ټرانزیټ په ډول د مالونو د منتقلۍ په برخه کې تړون وشو، چې په راتلونکو دوو میاشتو کې به پیل شي.

5- د پاکستان افغانستان د ټرانزیټ چاﺭو په مخ کې جوړو خنډونو پر لرې کولو باندې هم موافقه وشوه چې پاکستان د افغان ټرانزټ پر کنټينر باندې لس فيصده پروسسينګ او سل فيصده بېنک ګاﺭنټي لرې کولو دپاﺭه په ﺭا ﺭوانو پینځلسو وﺭځو کې اقدامات کوي او د ټرانزټ کنټينر دپاﺭه انشوﺭنس کمپنۍ ضمانت قبلوي.

افغانستان به د منځنۍ اېشيا لپاﺭه د پاکستان پر ټرانزټ 110 فيصده ضمانت کمولو دپارہ هم اقدامات کوي، د پاکستان له خوا چې کوم ممنوع لسټ دی په هغه کې د ترمیم ﺭاوستو لپاﺭه به هم د پاکستان د تجارت وﺯاﺭت غوﺭ کوي.

د کاﺭوباﺭي چاﺭو د ﺭوانو ساتلو لپاﺭه به دواړه هيوادونه په خپل منځ کې بېنکينګ چېنل خلاصوي او کاﺭوباﺭ به د بېنکونو له لاﺭې کوي، افغانستان اوس هم د منځنۍ اېشيا له هېوادونو سره بېنکي نظام فعاله کړی دی.

6- افغانستان او پاکستان به دواړه په چمن او سپین بولدک کې د شپه ورځ د ګمرکي یا کسټم چاﺭو د بحاله ساتلو لپاﺭه هم اقدامات کوي.

7- پاکستان د طالبانو حکومت ته وويل چې په خپلو ګمرکاتو کې د ﺭجسټرکوونکي ټي يک فاﺭم شمېرې دې ورسره شريکې کړي چې په کومه انداﺯه مالونه افغانستان ته د پاکستان څخه وﺭغلي دي.

خو د طالبانو حکومت وﺭته ویلي د نوي حکومت اعداد شماﺭ وﺭسره شريکولای شي ځکه چې وایي یوه تخنیکي ستونزه ده چې له مخې یې په کانټینر کې زیات وﺯن په دوو موټرانو کې لوډ کړي هغه ټي يک فاﺭم بيا په ويبيوک سسټم کې نه اپلوډ کیږي، د پاکستان لخوا وﺭته وويل شو په ﺭاﺭوانو څلوېښت وﺭځو کې سسټم اپډېټ کوي.

د طالبانو د حکومت او د پاکستان تر منځ د تجارت په اړه دا تړون وروسته له هغه شوی چې په تېرو دوه نیمو کلونو کې د دواړو هېوادونو د حکومتونو تر منځ د اړیکو د خرابۍ له کبله وخت په وخت د تورخم او چمن لارې بندې شوې چې له کبله یې دوه اړخیز تجارت ډېر اغېزمن شوی وو.

د پاکستان او افغانستان تر منځ په دغو خبرو باندې د سوداګرو غبرګون:

د پاکستان فيډﺭل چمبر اف کامرس پخواني مشر انجنېر داﺭو خان اڅکزي د پاکستان او افغانستان تر منځ دغه اوسنۍ خبري يوه لویه ګټه وبلله او ویې ويل د دواړو هیوادونو تر منځ تجاﺭتي اړيکې د تاﺭيخ هغه لاندې سطح ته ﺭاغلې دي چې وایي‌ دوی یې سوچ هم نه شو کولای.

دارو خان اڅکزی وایي‌ اوس چې کوم ټکي ددغو خبرو په اړه دوی اوﺭېدلې دي هغه بنيادي ټکي دي چې د دواړه هيوادونو تر منځ په تجاﺭتې اړيکو کې هر وخت مزاحم وي. دارو خان اڅکزي‌ وي او اې ډیوه ته وویل:

"له دغو خبرو دا هم معلومه شوه چې دواړه هيوادونه په خپل منځ کې تجاﺭت ﺯياتول غواړي که چېري دوی خپلمنځني تجاﺭتي ستونځې نوﺭې هم کمول غواړي باید تجاﺭت او سياست د يو بل نه بېل کړل شي".

د افغانستان د سوداګرۍ خونې مشر خان جان الکوﺯي وويل، د دوه اړخیز تجارت په اړه دغو اوسنیو خبرو ته خوشبينه دی خو وایي اکثره ستونځې د پاکستان په طﺭف وې:

"اوس چې پاکستان کومې خبرې د افغانستان سره منلې دي که پر هغه پاکستان عمل وکړي د دواﺭو ملکونو تر منځ به تجاﺭت نوﺭه وده ومومي".

د طالبانو حکومت د صنایعو او سوداګرۍ وزارت په بلنه د پاکستان د سوداګرۍ وزارت د مرستیال محمد خرم اغا په مشرۍ یو پلاوی د مارچ له 25 څخه تر 27 نېټې پورې د دوه اړخیزو سوداګریزو او ټرانزیټي مسایلو په اړه د خبرو لپاره کابل ته تللی وو.

د اسلام اباد هايکورټ د ججانو خط: حکومت د پلټنو دپاره د کمېشن جوړولو اعلان وکړو ‏

د اسلام اباد هایکورټ د شپږو ججانو په هغه خط، چې پکې دعوه شوې، استخباراتي ادارې په عدالتي چارو کې لاسوهنه کوي، حکومت د پلټنو ‏دپاره د کمېشن جوړولو اعلان وکړو.‏

د قانون مرکزي وزير، اعظم نذير تارړ د اټارني جنرل انور منصور سره په ګډه خبري غونډه کې وويل، د خط په معامله وزيراعظم شهباز شريف د چيف ‏جسټس قاضي فايز عيسا سره وليدل، او وزيراعظم وويل، د دغه پېښې پلټنې پکار دي او د کمېشن په اړه به د جمعې په ورځ د کابينې سره خبره کوي.‏

د اسلام اباد هايکورټ جسټس، محسن اختر کیاني، جسټس بابر ستار، جسټس طارق جهانګيري، جسټس سردار اعجاز اسحاق، جسټس ارباب محمد ‏طاهر او جسټس ثمن رفعت امتياز په عدالتي چارو کې د لاسوهنې په سر چیف جسټس ته خط ليکلی او د جوډيشل غونډې بللو غوښتنه کړې ده.‏

پاکستان بار کونسل هم د شورو/ چارشنبې په ورځ د اسلام اباد هایکورټ د ججانو د خط د پلټنې دپاره د سپريم کورټ د لږ تر لږه درېو ججانو د بنچ جوړولو ‏غوښتنه کړې ده.‏

د ججانو په خط کې د استخباراتي ادارو په عدالتي چارو يا ججانو اثر اندازه کېدو دعوه شوې، د پاکستان پوځ او آی اېس آی لخوا دغه دعوې ته رسمي ‏غبرګون مخې ته نه دی راغلی.‏

اعظم نذير تارړ وويل، کمېشن به د پلټنو د قانون لاندې د پېښې پلټنې کوي. د سپريم کورټ کوم پخوانی جج به د کمېشن مشري او پلټنې کوي.‏

هغه وويل، چيف جسټس هم په دغه خبره موافق وو چې مرکزي حکومت له د دغه معاملې پلټنې کول پکار دي ‏

د ججانو په خط کې ویل شوي چې د عدلیې د ازادۍ د باوري کولو لپاره د ادارې په توګه دې معاملې ته غبرګون پکار دی او له عدالتي کنونشن څخه به ‏درک ولګیږي چې د ملک د نورو هایکورټونو قاضیان هم له دې حالت سره مخ دي که نه.‏

په خط کې زياته کړل شوې، په عدالتي چارو کې د خفيه ادارو لاسوهنه کومه نوې خبره نه ده او پخوا د اسلام اباد هاىکورټ جج شوکت عزیز صديقي هم د ‏استخباراتي ادارې آی اېس آی د لاسوهنې معامله مخې ته راوړې وه.‏

شوکت صدیقي په کال 2018م کې د خپل منصب څخه ګوښه کړل شوی وو او د سپریم کورټ اوسني چیف جسټس د مارچ په 22مه په خپله پرېکړه کې د ‏شوکت صديقي ګوښه کېدل ناسم وبلل او هغه يې رېټاېرډ جج وباله.‏

خط لیکونکو ججانو د فشار د هڅو په اړه د اسلام اباد هایکورټ مشر قاضي ته په کال 2023 او 2024 کې ليکل شوي لیکونه هم شامل کړي او په خپلو ‏چارو کې د هغو مسولو او ممکنه لاسوهنو یادونه يې پکې کړې ده چې دغو ججانو ته وخت په وخت مخې ته راغلې دي.‏

په خط کې زياته کړل شوې، د پخواني وزيراعظم عمران خان خلاف د ټيريان وايټ په قضيه کې د ججانو په رایو کې اختلافات پېل شوي وو، جسټس عامر ‏فاروق د ټيريان قضيه د اورېدنې وړ ګرځولې، او چا چې قضيه د اورېدنې وړ نه وه ګرځولې، په هغو ججانو د آی اېس آی لخوا د خپلوانو او دوستانو د لارې ‏سخت فشار اچول شوی وو.‏

ججانو ویلي، دغه معامله یې د اسلام اباد د چیف جسټس، او بيا د هغه وخت د سپریم کورټ د چيف جسټس په وړاندې راوړلې وه او بیا ورته چیف ‏جسټس ويلي وو چې د آی اېس آی د مشر سره یې خبره شوې، چې بيا به داسې نه کیږي خو دغه لړۍ نه ده ودرېدلې.‏

نور کتل

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG