لاس رسیدونکی لینک

تازه خبر

  پاکستان د افغانستان سره د طورخم پوله يو وار بيا تړلې ده


د پاکستان او افغانستان ترمینځه د طورخم په سرحدي پوله د ایف سي یا ملیشا ځواکونو په چیک پوسټونو باندې شوې ترهګر حملې وروسته پاکستان د افغانستان سره خپله شريکه پوله يو وارې بيا د تګ راتګ لپاره بنده کړی ده

چارواکي وايي ترهګرو د ملېشا ځواکونو په پوستو د لاسي بمونو سره حمله کړې چې پکې شپږ د ملیشې عسکر او ۲عام ملکي کسان ژوبل شوي

پاکستان د روان کال د فرورۍ په مياشت کې هم د افغانستان سره ګډه پوله د هغې وروسته تړلې وه چې په پاکستان کې په يوشمېر ترهګر حملو او بمي چاودنو کې د ١٠٠نه زيات کسان وژل شوي وو

ددې ترڅنګ پاکستان د مۍ په مياشت کې هم د افغانستان سره په پوله پرتو دوه کلو جهانګير او لقمان د کشالې په سر د چمن ګډه پوله تر ۳ هفتو تړلې وه

افغانستان د پاکستان لخوا په یواړخيزه ډول د پولې د تړلو غندنه کوي او وايي پاکستان د نړي والو قانونو خلاف ورزي کوي

پاکستان او افغانستان نزدې ٢٦٠٠ کلوميټره اوږده پوله لري چې پاکستان يي خپله نړي واله پوله ګڼي خو افغانستان يي د نړيوالې پولې په هيڅ نه مني

پاکستان او افغانستان دواړه په يوبل تورونه لګوي ترهګر ورته په دغه پوله وراوړي

پاکستان په ورستيو کې په دغه پوله د ازغن تار لګولو او ۹۰۰ چېک پوستو جوړولو ژمنه کړې چې ورته افغانستان سخت غبرګون ښودلې

پاکستان وايي د افغانستان سره ګډه پوله مضبوطولو سره به دوي په هېواد کې روانه ترهګري قابو کړي خو ځنې څيړونکي د پاکستان په دغه ګام نيوکې کوي چې پاکستان پخپله پخپله خاوره ترهګر پټ کړي ولې پاکستان دغه تورونه ردوي او وايي دوي په قبايلي سيمو کې د ترهګرو په ضد کامياب پوځي عمليات کړي او اکثره ترهګر د پولې پورې خوا تختېدلي دي

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG