د پاکستان جمهوررئیس پرویز مشرف ویلي د نوو ټاکل شوو قامي او صوبایي اسمبلیو لومړۍ
غونډې به یوی اونۍ تر یوې نیمې اونۍ وخت پوری بلل کېږي.
نن دجمعې په ورځ جيکب اباد کې يوې دستورې ته د وينا په مهال هغۀ وويل د١٨ مې فرورۍ په ټولټاکنو کې د مينځ رويه قوتونو برياليتوب دخوشحالۍ خبره ده.
جمهوررئيس زياته کړه دټولې نړۍ لخوا په ټولټاکنو دتسلۍ څرګندونه شوې ده اؤ هر څوک وايي دغه ټولټاکنې دهر رقم ټګۍ اؤ غلا غلطۍ څخه پاکې وې.
پرويز مشرف وويل په صفا سوتره ټولټاکنو کې دمينځ رويه ګوندونو برياليتوب څخه دا ډاډ ترلاسه کيږي چې په راتلونکي کې به هم له دې له امله سخت دريځۍ په مخنيوي کې لاس امداد وشي.
ښاغلي مشرف زياته کړه په پاکستان کې چې هر ګوند دولت جوړوي دهغه ملاتړ به ورته ترلاسه وي اؤ ورته به په خلاص مټ دکار کولو موقع ورکول کيږي.
پرويز مشرف وويل هغه غواړي دهيواد څخه دترهه ګرۍ اؤ سخت دريځۍ نوغى وباسي اؤ ددې لپاره ضروري ده چې اولس ددولت ملاتړ اؤ سياسي ګوندونه ديو والي څرګندونه وکړي.
