لاس رسیدونکی لینک

Breaking News

زرداري دنهې په ورځ دجمهوررئيس په توګه لوړه کوي


دپاکستان دټولټاکنو دکميسيون لخوا دجمهوررئيس په توگه داصف علي زرداري دغوره کيدو داعلان څخه وروسته دښاغلي زرداري دلوړې کولو لپاره تيارۍ پيل شوي دي ، اؤ پيپلز گوند هيله ښايي نوى جمهوررئيس به دنهې په ورځ دخپل منصب لوړه وکړي.
پرون دپاکستان دټولټاکنو کميسيون دجمهوري رياست په ټاکنه کې په رسمي ډول دپيپلز گونددمشر اصف علي زرداري دبرياليتوب اعلان کړى ؤ اؤ ويلي يې وؤ ، هغه په دغه ټاکنه کې ٤٨١ رايې ترلاسه کړي دي،دمسلم ليگ(ن) کانديد سعيدالزمان صديقي ١٥٣ اؤ دمسلم ليگ(ق) مشاهد حسين سيد٤٤ رايې اخستي دي.
په سنا کې دپيپلز گوند لخوا دايوان مشر رضا رباني وايي دگوند دمهمو مشرانوغونډه نن داتوار په ماښام رابلل شوې اؤ په دغه غونډه کې به دپيپلز گوند دگډ مشر اصف علي زرداري دجمهوررئيس په توگه دلوړې کولو نيټه هم وټاکل شي.
بل لوري ته دښاغلي زرداري دجمهوررئيس په ټاکل کيدودنړيوالې ټولنې دمشرانو لخوا اصف زرداري ته دمبارکۍ پيغامونه رسيدلي دي.
دامريکا جمهوررئيس بوش دمبارکۍ په پيغام کې هوډ څرگند کړى چې داصف علي زرداري په مشرۍ کې به پاکستان سره دامريکا اړيکې نوره وده هم ومومي.
دبرطانيې ، چين ، افغانستان، هند ،اروپايي اتحاديې، ايران اؤ گڼو نورو هيوادونو دمشرانو لخوا هم اصف علي زرداري ته په رسيدلو پيغامونو کې پاکستان سره دښو اړيکو جوړولو هوډ څرگند کړل شوى دى.

XS
SM
MD
LG