د امریکا د جمهوررئسۍ لپاره د ډیموکریټ او ریپبلکن گوند کاندیدان براک اوباما او جان مېکین په خپل دریم او اخري نیغ په نیغه بحث کې د سیاسي کمپائن په طریقو، اقتصادي شخړو او یو شمېر کورنو ستونزو باندې اختلافونه څرگند کړي دي.
د نیویارک ښار په هفسټره پوهنتون کې د یو نیم ساعت په بحث کې د هیواد اقتصادي شخړې ته تر ټولو زیات وخت ورکړی شو.
د ریپبلکن گوند جان مېکین په بحث کې په داسې وخت د خپل سیال پرضد سخته تگلاره خپله کړه چې په وروستیو شوؤ نظر پوښتنو کې اوبامه د ښاغلي مکین نه وړاندې دی.
دواړو کاندیدانو د یوبل پرضد په کمپائنونو کې منفي اشتهارونو وړاندی کولو تورونه هم ولگول.
براک اوبامه په خپل مخالف سیال د هیواد په غټو تگلارو د جمهوررئیس بوش مرسته کولو تور ولگولو خو په ځواب کې ښاغلي مېکین په سختۍ سره وویل هغه جمهورئیس بوش نه دی او زیاته یې کړه د ښاغلي بوش یو شمېر تگلارو سره یې اختلاف کړی
1
