د امریکې د دفاع چارو وزیر رابرټ گېټس افغانستان
کې ورځ په ورځ خرابیدونکی امنیتي وضعې هوارې لپاره د یو پلان پرسر د ناټو غړو
هیوادونو سره غونډه کوي.
ښاغلې گېټس په کینډا کې د اووه نورو غړو هیوادونو د دفاعي
چارو وزیرانو په دوه ورځنۍ غونډه کې برخه اخلي. دغه غونډه کې د هغو هېوادونو دفاعي چارو وزیران
برخه اخلي چې افغانستان کې خپل ځواکونه لري.
امریکا په افغانستان کې خپلې سټراټیجي ته بیا کتنه کوي چرته چې په
ورستیو میاشتو کې طالب یاغیتوب کې زیاتوالې راغلی دی.
بلخوا د ملگرو ملتونو امنیتی
شورا کې د ١٥ غړو هیوادونو استازي نن افغانستان ته رسیدلې دي چې د حالاتو جاج
واخلي.
چارواکي وایي د ملگرو ملتونو مشن به د هېواد بیا ودانۍ کارونو کې د افغان
حکومت اواولس سره د خپلو مرستو جاري ساتلو څرگندونه کوي.
1
