د امریکې د قامي سلامتیه وزیرې جینیټ نپالیټانو وئیلې امریکا پلان لري چې افغانستان ته ٥٢ پوهان په دې خاطر اولیږي چې د افغانستان او پاکستان په سرحد باندې امنیت خوندې کول کې مرسته اوکړې.
نپالیټانو کابل کې د خالي په ورځ د صدر حامد کرزي او د افغانستان د خزانې وزیر عمر زاخیلوال سره د لیده کاته ورستو خبرې اترې کولې.
د نپالیټانو د افغان چارواکو سره په لیده کاته کې په سرحداتو باندې د امنیت او د افغان سرحدي ځواکونو د تربیت په موضوع خبراترې اوکړې. په دې هم خبرې اوشوې چې په سرحد افغانستان ته د طالبانو د راتگ مخه څه رنگ نیول کیدی شي.
د امریکې د قامي سلامتیه یا ډپارټمنټ اف هوم لینډ سکیورټي تر اوسه پورې افغانستان ته په سرحد د امنیت بهتر کولو د پاره ٢٥ کار پوهان یا ماهران لیږلې دي.
د افغانستان نه په نورو خبرې رپوټونو کې ویل شوې په جنوبي افغانستان کې په بمي چاؤدنه کې یو ایتلافي عسکر وژل شوی دی. په پیښې په حقله ایتلافي ځواکونو نور څه تفصیل نه دی وړاندې کړی.
