د افغانستان د واکمنو طالبانو سپریم کورټ یا سترې محکمې ویلي د ۱۴ ښځو په شمول ۶۳ کسان د افغانستان په شمال کې د لواطت، د جنسي فعل و نورو غېر اخلاقي تعلقاتو الزام د سزا کېدو وروسته په عامو ځایونو کې په درو وهل شوي دي.
د طالبانو سپریم کورټ د نهې، سه شنبې، په ورځ اعلان دغه اعلان وکړو.
په کال ۲۰۲۱ کې په افغانستان د بیا واکمنېدو وروسته دا وړمبی ځل دی چې ظالبانو په دومره لویه شمېره کې خلکو ته په عامه ځایونو کې د سزاګانو ورکولو اعلان کړی دی.
د طالبانو په اعلان کې وېل شوي چې دغه سزاګانې د سرپل ولایت په مرکزي ښار سرپل کې د لوبو په مېدان کې ورکړی شوي دي او د ولایت ګورنر یا والي، ججانو، امنیتي چارواکي، د سيمې مشران او عام خلک په دې موقع موجود وو.
په ۲۰۲۱ کې د بیا واکمنېدو راهسې طالبانو په سلګونو ښځو او سړو ته د لوبو په مېدانونو او عامه ځایونو کې د درو وهل شوي دي.
طالبانو لږ تر لږه پینځو افغانانو ته د مرګ سزاګانې ورکړي او په ډزو اعدام کړی شوي دي.
ملګرو ملتونو او د انساني حقونو ډلو د طالبانو په حکومت کې خلکو د اعدامېدو او په عامه ځایونو کې د سزاګانو غندنه کړې، وایي د نړیوالو بشري قوانینو خلاف ورزي ده او په بېړنۍ توګه دې ودرول شي.
د طالبانو مشر هبت الله اخند زاده دغه غوښتنې رد کړي دي. اخندزاده لوظ کړی چې جنسي فعل په الزام به ښځو ته د سنګسارۍ سزا هم عملي کوي خو تر اوسه د دې سزا په اړه څه رپورټ مخې ته نه دی راغلی.
Forum