د وکې لیکس باني جولیئن اسانج د کتاب لیکلو د پاره د ١.٥ میلینه ډالرو معاهده لاس لیک کړې. د معاهدې ترمخه جولیئن اسانج به د کتاب مسوده د کال ٢٠١١ د مارچ د میاشت پورې تیاروي.
د برطانيی سنډی ټائمز ورځپاڼې سره مرکه کې اسانج وئیلې هغه د کتاب لیکلو څه اراده نه لروله خو هغه د خپلو مقدمو او د ویب پاڼې چلولو خرڅ پوره کولو د پاره د کتاب لیکلو فیصله کړې ده.
د خبرې رپورټونو ترمخه د امریکې نشریاتي اداره الفریډ ای نوف او د برطانيي نشریاتي اداره کینن گیټ به اسانج ته د خپل ژوند قیصه لیکلو د پاره ١.٥ میلینه ډالره ورکوي.
په دې ورستیو کې اسانج د امریکې انتهائې حساس خفیه سفارتي دستاویزات شائع کړې دي. امریکائې حکومتي چارواکو په غه گام د وکې لیکس سخته غندنه کړې ده.
اسانج نن سبا په برطانیه کې ژوند کوي. برطانیه کې د هغه سویډن د سپارلو د پاره عدالتي کاروائې شورو کړی شوې ده. سویډن کې اسانج باندې دواؤ زنانه ؤ د جنسې زور زیاتې الزامات لگولې دې. د سویډن چارواکو وئیلې غواړې اسانج نه ددغه الزاماتو په حقله پوښتنې اوکړی شي.