لاس رسیدونکی لینک

Breaking News

په باچا خان پوهنتون د ټي ټي پي د حملې اوومه کلیزه ولمانځل شوه


په باچا خان پوهنتون د کال 2016م د جنورۍ په 20 نېټه ترهګرو حمله وکړه چې پکې د پوهنتون د چارواکو په وېنا 14 زده کونکي او د انتظاميې څلور غړي ووژل شوو او تر 20 زيات ټپيان شوي وو.  د برید زمه واري د تحريک طالبان پاکستان ګيدړ ډلې ومنله

د خېبرپښتونخوا په چارسده ضلع کې په باچا خان پوهنتون د وسله والو بريد اوومه کليزه د جمعې په ورځ ولمانځل شوه، په پوهنتون کې د وژل شویو کسانو په ياد کې غونډه وشوه او په حمله کې وژل شویو زدکونکو او د انتظاميي غړو ته احترامات وړاندې کړی شول.

په باچا خان پوهنتون د کال 2016م د جنورۍ په 20 نېټه ترهګرو حمله وکړه چې پکې د پوهنتون د چارواکو په وېنا 14 زده کونکي او د انتظاميې څلور غړي ووژل شوو او تر 20 زيات ټپيان شوي وو.

د برید زمه واري د تحريک طالبان پاکستان ګيدړ ډلې ومنله.

په پوهنتون برید کې د وژل شویو کسانو په یاد کې د غونډې په موقع د يو وژل شوي زدکونکي پلار فضل ربي وايي د کله نه چى دا واقعه شوې ده د هغې نه راپديخوا يې نه مور د کټ نه پاڅېدلې شي او هغه خپله هم د مخکې په شان نه شي ګرځېدلی." ما ته چې څومره درد رسېدلی هغه بل چا ته نه دی رسېدلې ، زمه اولاد وو او زمه پرې د ملا تير مات شوې چې د شپې په خوب په ډاډا اوړم هم راياديږي."

په کال دوه زره څلوارلسم کې د پېښور په ارمي پبلېک سکول هم ټي تي پي حمله کړې وه چې تر يوسل او څلويښتو پورې کسان وژل شوي دي. په وژل شویو کسانو کې اکثریت د سکول د ماشومانو و.

د باچا خان پوهنتون او په ارمي پبلک سکول کې د وژل شویو ماشومانو مېندی او پلاران ګيله کوي چې د بريد زمه وار تر اوسه نه دي معلوم کړی شوي خو د پاکستان پوځ په کال 2018 کې د ډسمبر په 16 نېټه وویل چې په ملک کې جوړ پوځي عدالتونو په 717 مقدمو کې 546 فېصلې اورولي دي او 310 ترهګرو ته یې د مرګ سزاګانې ورکړي دي. پوځ ویلي وو په سزا شویو کسانو کې په باچا خان پوهنتون بريد کې ککړ وسله وال هم شامل دي.

د باچا خان پوهنتون وایس چانسلر بشير احمد وايي د حملې نه پس په یونیورسټۍ کې طالب علمان د امن په ماحول کې خپل تعلیم په وړاندې بيايي.

وایس چانسلر بشیر احمد وویل "کومې پورې چې د دهشت ګردۍ تعلق دې نو مونږ خلکو ته سيکيورټي ورکوو ټول زدکونکي تاسو ګورۍ ښه په امن کى ناست دي."

د پوهنتون د زدکونکو وېنا وه د ترهګرۍ پېښې يې حوصلې نه دي ماتې کړي، د وړاندې په نسبت زيات زدکونکي دلته داخلو د پاره راځي او خپله د تعليم لړۍ دوامه داره ساتي.


  • 16x9 Image

    ارشد مومند

    ارشد مومند د ډيوه خبريال دی د پاکستان قبائيلي سيمو نه د تعليم،صحت، کلتور اؤ ترهګرئ ضد جګړی په اړه راپورونه راليږي. دپیښور پوهنتون جرنلزم څانګی نه يي د ماسټر ډګري ترلاسه کړی

     

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG