د بلوچستان هايي کورټ په کوټه کې د پښتون ژغورنې غورځنگ د جلسې په سر د پي ټي اېم او د صوبايي اسمبلۍ ځینې غړو خلاف د پولېس مقدمو د ځنډولو امر کړی دی.
عدالت دغه فېصله د پښتونخوا ملي عوامي پارټۍ د صوبايي اسمبلۍ غړي نواب اباز جوگېزۍ په خواست وکړه.
د ښاغلي جوگېزۍ وکیل اکرم شاه وي او ای ډیوه ته وویل د عدالت د فېصلې ورسته به پولیس په ایف ايي ار عملداري نه کوي، یعنې په ایف ايي ار کې د نومول شوو کسانو خلاف به څه گامونه نه اخیستل کیږي.
په کوټه کې دا میاشت د پي ټي ایم د جلسې په سر پولېس د تحریک د مشر منظور پشتین او د یو شمیر نورو کارکونکو او د نواب ایاز جوگېزۍ ترڅنگ د صوبايي اسمبلۍ د ځینې نورو غړو خلاف مقدمې درج کړې وې. په دغه مقدمو کې د نفرت راپارولو او د امن او امان خرابولو شقونه لگول شوې وو.
د کوټې تر څنگ په کلا سیف الله کې هم پولیس په ایف ايي ار کې دغه کسان نامزد کړي وو.
د نواب ایاز جوگېزۍ وکیل اکرم شاه د بلوچستان هايي کورټ قاضي اعجاز سواتي په مشرۍ کې بینچ ته وړاندې شو. په اورونه کې عدالت د ایف ايي ار د ځنډولو فېصله وکړه او اوړنده حکومتي مامورینو ته یې د حاضریرۍ هدایات ورکړل.
د بلوچستان د اعلي محکمي وکيل نعمت الله ايدوکيټ وويل چي د دوی احتجاج د قانون په چوکاټ کي دننه و او د اساسي قانون نهمه ماده شهریانو ته حق لپاره د غږ پورته کولو اجازت ورکوي.
وکيل نعمت الله وويل که چېري حکومت د خلګو جایز ستونزې نه هواروي نو بيا به د غه ډول احتجا جو نه را منځ ته کېږي.
د پولېس په دغو مقد مو کي د پشتون ژغورني غورځنګ مشر منظور پشتين، محسن داوړ، خان زمان کا کړ، د پشتونخوا ملي ګوند نواب محمد ايا ز خان جوګزۍ ، رضا محمد رضا، عبد الرحيم زيارتوال او یو شمیر نور مخور کسان شامل دي.
