باکسنگ : عامر خان به نن لامانټ پېټرسن سره جنگېږي

پاکستاني نژاده برتانوي باکسر عامر خان به په واشنگټن ډي سی کې نن امریکایي باکسر لامانټ پېټرسن سره مقابله کوي.
25 کلن عامر خان په نړیوال باکسنگ کې لائټ ويلټر ويټ ټائټل په غاړه لري.
عامر خان دغه ټائټل د امريکې په لاس ويگاس ښار کې د امريکا زيب جوډا ته په پينځم راؤنډ کې د ناک اوټ کولو سره گتلې ؤ.
عامر خان چې په نړیوال باکسنگ کې په خپل جېب (ِJab) او د تېز رفتارې لپاره شهرت لري د مېچ پېل کېدو نه هڅه کوي چې په طاقتورو سوکانو سره په خپل مخالف باکسر فشار برقراره وساتي. عامر خان له دې وړاندې 27 ترسره شوؤ مقابلو کې 26 گټلي یوه مقابله کې یې ماتې خوړلې دی. عامر خان 18 ځله مخالف باکسر ناک اوټ کړي دي.
بلخوا 27 کلن لامانټ پېټرسن 29 ترسره شوؤ مقابلو کې 27 گټلي ، یوه یې بایللې ده او یوه مقابله یې سر په سر پاتې شوې دی