د چین د صحت قامي کمېشن ویاند د خالي يا شنبې په ورځ ویلي د کرونا وایرس د لاسه په چین کې د مړو شوو تنانو شمیره ۲۵۸ ته رسیدلی او د دغه واېرس نه متاثره شوو کسانو شمیر ۱۱۷۹۱ ته رسیدلی.
د چین د صحت د قامی کمېشن ویاند مي فېنګ تر مخه په کرونا واېرس اخته کسانو کې د ۱۷۵۹ مریضانو حالت مرګونی یا نازک دی او ۲۰۳ کسان د علاج وروسته د هسپتال نه خوشي کړل شوي.
د نوموړي په وینا د کرونا وایرس نه متاثره شکمن کسانو شمیره ۱۷۹۸۸ او داسې یو لک شپږ دیرش زره نهه سوه اوه اتیا کسان هم معلوم شوي چې د یو بل سره نژدې پاتې شوي دي.
د صحت نړیوالې ادارې د زیارت یا پنجشنبې په ورځ د کرونا وایرس خورېدل د ټولې نړۍ د صحت لپاره ایمرجنسي یا بېړنی حالت ګرځولی او ویلي چې د کرونا وایر مخنیوي لپاره د نړۍ یو منظم ځواب ضرورت دی.
په چین کې د کرونا وایرس خوریدونکې شمیره په کال ۲۰۰۲ کې د سارس د وبا نه سېوا ده. تیر کال د دسمبر په میاشت کې د چین لا خوا د صحت نړیوالی ادارې ته د دې نوی وائرس په اړه د اطلاع ورکولو ورستو لږ تر لږه په درویشتو ملکونو کې د دې وائرس پخلی شوې دې.
د کرونا وایرس نښې څه دي؟
د بي بي سي خبري ادارې د یو رپورټ ترمخه کرونا انفیکشن معلومول او مخه نیول یو ګران کار دی ځکه چې خواشاه په پنځه کې یو تن د کرونا وایرس د سختو علامتونو سره مخ کیږي چې له وجې یې د انفیکشن د علامتونو ښکاره کېدو بغیر خلک دغه وایرس خورولی شي.
د امریکې د ناروغو د مخنیوي مرکز یو ډاکټره، نینسي میسونیر وايي د عام زکام یا یخنۍ او کرونا وایرس علامتونه یو شان دي خو د کرونا وایرس لګیدو خطره هغه خلکو ته زیاته ده چې د چین هوبی صوبې ته یې پخپله سفر کړی وي او یا د هغه خلکو سره نزدې پاتې شوي وي چې د چین هوبې صوبې ته تلي وي.
کرونا وایرس تراوسه کومو ملکونو ته خور شوی؟
برطانیې د جمعې په ورځ د کرونا وایرس نه اغیزمند دوه کسانو پخلی کړی. د برطانیې د صحت مشر ډاکټر کریس ویټي ویلي دواړه اغېزمند کسان د یو کورنۍ سره تعلق لري او دا چې د ملک قامي صحت اداره د دغه تنانو خصوصي علاج کوي.
هندوستان او فلپین هم په خپلو ملکونو کې د کرونا وایرس پخلی کړی. ددې وړاندې آسټریلیا، کینیډا، فن لینډ، جرمني، هانګ کانګ، جاپان، نیپال، سنګاپور، سویلي کوریا، تهايي لینډ، متحده عرب امارات او ویتنام د کرونا وایرس تصدیق کړی وو.
د کرونا وایرس ترټولو اول د چین په ووهان کې راغلی وو چرته چې ددې وایرس نه ترټولو زیات خلک اغېزمند شوي. د کرونا وایرس له وجې ووهان ښار ډېر زیات اغېزمند شوی. چیناي چارواکو د کرونا وایرس نه اغېزمند ښارونو کې خلکو ته ویلي چې په خپلو کورونو کې دننه پاتې شي.
دغلته د عامو خلکو د تګ راتګ ګاډې ودرولی شوي. د چین د صحت قامي کمېشن ویاند مي فینګ د جمعې په ورځ ویلي حکومت یې د دغه وبا کنټرول کولو ته ډېر زیات اهمیت ورکړی او ددې کنټرول کولو لپاره یې سخت ګامونه پورته کړي.نوموړي ویلي د سیمه ییز او نړیوال صحت او د خلکو تحفظ لپاره به د نورو ملکونو سره همکاري کوي.
رپورټونه وايي کرونا وایرس که یوې خوا ته د چین ګڼ شمېر خلک مړه کړل او زرګونه یې اغېزمن کړل خو وایي د دې هېواد په اقتصاد یې هم بدې اغېزې کړي ځکه چې وایي له نړۍ سره یې د تاجرانو تجارتي اړیکي پرې شوي او کرنسي یوآن یې هم را غورځېدلی دی.
که څه هم چینایي چارواکي او رسنۍ وخت په وخت له کرونا وایرسه د مړیو او اغېزمنو کسانو شمېر خپروي، خو ځینې روغتیایي څېړونکي اندېښنه څرګندوي او وایي چې د دې وایرس له کبله د مړیو او اغېزمنو کسانو شمېر تر سرکاري شمېر څو چنده زیات دی.
