لاس رسیدونکی لینک

تازه خبر

بنو نه پنجاب ته تلونکی ګاډی له ګړنګ نه لوېدلی، مانسهره کې هم ټکر شوی، 14 کسان مړه، 16 ژوبل


عکس پخوانی دی.
عکس پخوانی دی.

د خېبر پښتونخوا د بنو سیمې نه د روانې یوې پښتنې کورنۍ ګاډی د پنجاب په خوشاب سیمه کې د ګړنګ نه ژورې کندې ته لوېدلی چې پکې لږه تر لږه 13 کسان مړه شوي اؤ9 نور ژوبل شوي دي.

د پښتونخوا په مانسهره سیمه کې هم د سېلګرو یو جیپ د حادثې سره مخ شوی چې یوه مېرمن پکې مړه شوې اؤ 7 کسان پکې ژوبل شوي دي.

د مرستندویه ادارې د سرچینو له مخې د خالي - شنبې په ورځ د پنجاب د خوشاب په پینج مناوا روډ د یو ګاډي بریک فېل شوی چې له هغې وروسته دغه ګاډی یو ژور ګړنګ ته لوېدلی دی.

په پېښه کې د مړه شویو کسانو یوه کلیوال وي او اې ډیوه ته وویل، په دغه ګاډي کې د خېبر پښتونخوا د جنوبي وزیرستان د توی خولې سیمې یوه کورنۍ د مزدورۍ لپاره خوشاب ته روانه وه. وایي دوی په ژمي پنجاب ته ځي او په اوړي بیرته خپلې سیمې ته راځي.

د مرستندویه سرچینو وینا ده چې په پېښه کې د ښځو په ګډون 13 کسان مړه شوي اؤ 9 نور ژوبل شوي دي. په پېښه کې ژوبل شوي کسان د علاج لپاره د خوشاب ضلعي روغتون ته رسول شوي دي.

په عین حال کې د خېبر پښتونخوا د مانسهرې ضلعې په کیوایي سیمه کې د سېلګرو یو جیپ په یو کور ورختلی اؤ د حادثې ښکار شوی.

مرستندویه سرچینې وایي په دغه جیب کې د هریپور د پوسټ ګریجویټ کالج جینکۍ طالبعلمانې سېل له روانې وې چې د کاغان په شوګرا سړک جیب د ډرایور نه بې قابو شو اؤ په یو کور ور وختلو.

سرچینې وایي په دې پېښه کې یوه جینۍ زده کوونکې مړه شوې اؤ د دریوؤ پروفیسرانو په ګډون پکې اووه تنه ژوبل شوي دي.

د مړې شوې طالبعلمې پېژندګلو د حلیمې بي بي په نوم شوې ده اؤ په ژوبلو کې پروفیسر ساجد جاودید، پروفیسر محمد بلال، عبدالبصیر، مقدس بي بي ، مریم نور اؤ شازینه بي بي شامل دي.

په پاکستان اؤ په ځانګړي ډول د پښتونخوا په غرییزو سیمو کې اکثره دغسې پېښې مخې ته راځي چې څېړونکي یې علتونه د سړکونو خراب حالت، د ګاډو زوړوالی، د ډرایورانو د نشې اؤ بې خوبۍ حالت اؤ یا هم د ناتجربه کاري بولي.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG