د پاکستان په گډون په نړي واله کچه د جنسي زور زیاتي ښکار میرمنې په سوشل میډیا د هېش ټېگ مي ټو MeToo# په نامه خپل احساسات شریکوي.
د پاکستان د قامي اسمبلۍ غړې عایشه گلالۍ هم د هېش ټیگ مي ټو د لارې په خپل ټویټر لیکلي چې د تحریک انصاف گوند مشر عمران خان ورته جنسي پیغامونه وراستولي وو او کله چې دغه پیغامونه ښکار شول نو هغه پلویانو ته په هغې د تیزابو شیندلو امر وکړو.
#Me Too هېش ټیگ مي ټو ولې پیل شو؟
په ټیوټر د هیش ټیگ "مي ټو" په نوم بحث امریکنۍ ادا کارې الیسا ملینو د اتوار، یکشنبې، په ورځ پیل کړی و هغې غوښتل چې د ښځو سره جنسي زورونو ته د خلکو پام ورواړوي.
الیسا ملینودا بحث ځکه پیل کړو چې د امریکې د فلمي صنعت مشهور ډایرېکټر هاروي واین سټین خلاف گڼ شمیر میرمنو د جنسي تیري او ځورونې الزامات ولگول. ددغه الزاماتو په سر هغه د "اکیډمي اف موشن پیکچزر ارټس اینډ ساینسز" نومې تنظیم نه ویستل شو. یاده اکیډمي د امریکې د فلمي صنعت لوې تنظیم دی چې غړي یې د فلمونو هدایت کاران او فلم سازان وي.
د الیسا ملینو د "مي ټو" هیش ټیگ په جواب کې د زرگونو په شمیره کې زنانه ؤ په جنسي توگه د ځورول کیدو کیسې شریکې کړي.
عایشه گلالۍ د عمران خان په هکله څه وايي؟
د پاکستان د قبایلي سیمي سره تعلق لرونکي د پاکستان تحریک انصاف گوند په ټیکټ د قامي اسمبلۍ غړي عایشه گلالۍ هم د هیش ټیگ "مي ټو" دلاندې بحث کې برخه اخیستي او خپله کیسه یې شریکه کړي ده.
په خپل ټویټر پیغام کې عایشه گلالۍ لیکلي د تحریک انصاف مشر عمران خان په گوند کې دننه زنانه په جنسي توگه ځورولي دي خو په دې اړه تحقیقاتو ته ځان نه وړاندې کوي.
میرمن گلالۍ د اگست په میاشت کې د عمران خان خلاف د جنسي زیاتي الزامات ولگول.
عمران خان او د هغه گوند د عایشه گلالۍ الزامات ردوي.
د پاکستان ایکسریس ټریبیون ورځپاڼه لیکي چې پاکستان تحریک انصاف د عایشه گلالۍ د قامي اسمبلۍ غړیتوب ختمولو لپاره الیکشن کمیشن ته خواست لیږلی دی. هغه د گونډ په ټیکټ د جنوبي وزیرستان څخه د ښځو په ځانگړي نشست د قامي اسمبلۍ غړې جوړه شوې ده.
امریکايي فلمساز واین سټین پرضد جنسي تورونه
د امریکې فلمي هدایتکار هاروي واین سټین پرضد د جنسي تیرو تور لگونکو کې یوه پخوانۍ هنرمنده لویزیټ گایس هم شامله ده.
لویزیټ گایس د واین سټین سره د یو ملاقات ذکر کوي او وايي د لیدو په وخت یې زړه درځیدو، په اخیره کې يې ترې لاس راخلاص کړو او د دروازې په لورې روانه شوه. هغه وايي واین سټین ورته وویل چې درې فلمونو به ورته ورکړي او د هغې د فلمي کیسې منظوري به ورکړي که چرې هغه یوازې د هغه د خود لزتۍ فعل وگوري.
د واین سټین ترجمان دا خبره رد کړي چې زنانه یې په جنسي توگه ځورولي دي. هغه ویلي واین سټین د رضا بغیر زنانه ؤ سره جنسي تعلق نه دی ساتلی.
میرمن ملیسا واین سټین د "ویمن اینډ هالي وډ" په نوم د بلاگ لیکواله ده او وايي د ډیر وخت راهسې په هالي وډ کې د سړو او په خصوصي توگه د سپین پوستکو سړو اجاره داري ده، خو وس پکار ده چې زنانه ؤ ته هم د واک اختیار درجه ورکړی شي، د هر چا اواز واوریدل شي او پکار ده چې په بیانیه کې د هر چا غږ شامل وي.
او هم دا بیانیه ده چې وس د "مي ټو" په دوو ټکو کې په نړۍ او په انټرنیټ اوریدل کیږي.