په خلیج عمان کې ایراني ځواکونو د پوځي مشقونو په مهال یو مزایل وچلوولو چې ایراني مطبوعاتو د ګل، دوشنبې، په ورځ وویل په خطا د خپلو ځواکونو په یوه بېړۍ ولګېدلو او ۱۹ د سمندري عسکر یې ووژل او ۱۵ نور یې زخمیان کړل.
په لومړيو رپورټونو کې وویل شوي وو چې د اتوار، یکشنبې، په ورځ شوي پېښه کې یو عسکر وژل شوی. دغه پېښه په داسې حال کې شوي ده چې په سیمه کې د امریکې او ایران ترمنځ تاوتریخوالی زیات شوی دی.
د ایران حکومتي ټېلې وژن ترمخه دغه پېښه په خلیج عمان کې د جسک بندر سره نژدی او د تهران نه ۷۹۰ مېله په جنوب ختیځ کې رامنځته شوي ده.
اېسوسي اېټېډ پرېس خبري ادارې ترمخه ایراني مطبوعاتو ووېل په مزایل لګېدلي بیړۍ د کنارک نومې جنګي جهاز وو چې په سمندر پوځې مشقونو کې یې برخه اخیستله او د هغه هدف سره ډیر نژدې وو چې عسکرو په مزایلو ویشتلو. ویشتل شوي سمندري جهاز په سمندر کې مشقونو دپاره نخښې پرځای کولی چې د ایراني مطبوعاتو په قول به خطا ولګېدو.
ایراني مطبوعاتو وویل د هالېڼد جوړ کنارک نومې سمندري جهاز وزن ۴۰ ټنه وي او په عمومي توګه د عملې ۲۰ غړي لري. په مزایل د لګیدو وروسته سمندري جهاز یو نژدې بندر ته بوتلل شو. ایراني ځواکونو د بېړۍ تصویران شایع کړل چې پکې د کشتۍ په یوې غاړې د مزایل دلاسه شوی نقصان لیدل کېږي.
ای پي وايي ایران په عمومي توګه په دغه سیمه کې پوځي مشقونه کوي چې د هرمز تنګي سره نژدي علاقه ده. د دنیا د تېلو ۲۰ فیصد برخه د هرمز نه تېریږي.
د امریکې د سمندري پوځ پنځمه بیړه د سیمې په صورتحال نظر ساتي. ای پي وايي د ایراني مزایل د پېښې په اړه ترې د تبصرې غوښتنه وشوه خو ځواب یې وه نه وېلو.
د ایران د مزایل پېښه په داسې مهال شوي ده چې د امریکې صدر ډانلډ ټرمپ ایران سره د کال ۲۰۱۵ اېټمي معاهده ماته کړې ده او د دواړ ملکونو ترمنځ تاوتریخوالی زیات شوی دی.
د سږ کال د جنورۍ په میاشت کې په عراق کې په امریکايي ځواکونو د حملې وروسته د ایران پاسداران انقلاپ عسکرو د یو کرېن د مسافرو یو جهاز په مزایل وویشتلو چې پکې په جهاز کې سواره ټول ۱۷۶ کسان ووژل شوو.
