لاس رسیدونکی لینک

تازه خبر

د پاکستان استخباراتي ادارې آی اېس آی ته د خلکو د ټيليفونونو اورېدو او ريکارډ کولو اختیار ورکړل شوی


د پاکستان د ځايي رسنيو ترمخه، مرکزي کابينې د آی اېس آی نومول شوي افسر ته د ټيليفون اورېدو او ريکارډ کولو د اختيار ورکولو منظوري ورکړې ده
د پاکستان د ځايي رسنيو ترمخه، مرکزي کابينې د آی اېس آی نومول شوي افسر ته د ټيليفون اورېدو او ريکارډ کولو د اختيار ورکولو منظوري ورکړې ده

د پاکستان حکومت استخباراتي ادارې (آی اېس آی) ته د خلکو د ټيليفونونو اورېدو او ريکارډ کولو او پېغامونو ته د رسايۍ اختیار ورکړی دی، د اطلاعاتو وزارت په دغې اړه رسمي اعلاميه جاري کړې ده.

د پاکستان د ځايي رسنيو ترمخه، مرکزي کابينې د آی اېس آی نومول شوي افسر ته د ټيليفون اورېدو او ريکارډ کولو د اختيار ورکولو منظوري ورکړې ده.

ياده اعلاميه چې پاکستاني مطبوعاتو او په ټولنيزو رسنيو هم خپره شوې، پکې ویل شوي، د ملي امنیت ګټو ته په کتو او جرمونو د اندېښنو له امله دغه پرېکړه شوې ده.

ويل شوي، آي اېس آی چې به د ټيليفون ريکارډ کولو يا اورېدو دپاره کوم افسران نوموي هغوی به د 18 ګرېډه څخه کم نه وي.

اعلامیه چې پرون د جولايۍ په اتمه جاري شوې پکې ويل شوي، مرکزي حکومت د آی اېس آی افسرانو ته دغه اختیار د پاکستان ټيلي کميونيکېشن قانون 1996 د سېکشن 54 لاندې ورکړی دی.

په ټولنیزو رسنیو دغه اقدام ته غبرګون ویل شوی دی.

زبېر خان نیازي نومې تن په اېکس (پخواني ټويټر) پوسټ کې د يادې اعلامیې په اړه ويلي،
"د دغه اعلامیې تکلف څه وو، آی اېس آی خو څه وخت هم فون ریکارډ کولی شي، او داسې کېدل خو د پاکستان جوړېدو راهسې روان دي، چې کله ټيليفون نه وو نو ډاک يا خط به کولاېدو، په اعلامیه کې د عام کولو او بدنامولو اجازت هېر کړل شوی دی".

زبېر علي خان نومې تن ويلي، "د نواز شريف د سيويلين يا خلکو د سرلوړۍ نعره شهباز شریف ښکته کړه".

میا داود نومې نوم تن ويلي، "دا بهترينه فېصله ده".

استخبااراتي ادارې (آی اېس آی) ته د ټيلیفوني خبرو اورېدو او ريکارډ کولو او پېغامونو ته د رسايۍ اعلاميه په داسې وخت کې جاري شوې چې پاکستان کې په تېرو څو کلونو کې وخت په وخت د سياستوالو لخوا داسې تورونه لګېدلي چې د دوی ټيليفوني خبرې ريکارډ کول کيږي او د سپريم کورټ د ججانو د سياستوالو سره خبرې هم په پاکستاني مطبوعاتو خپرې شوي دي

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG