واشنګټن —
د اسرایل وزیراعظم بېنجمن نېټن یاهو ویلي په خلېج عمان کې د اسرایل په بېړۍ کې د چاودنې ذمه وار ایران دی.
نېټن یاهو د اسرایل کان نومې رېډیو سټېشن ته وویل دا خبره واضحه ده چې دا د "ایران ګام دی."
د ایران د خارجه وزارت ترجمان سعید خطیبزادی وویل ایران د اسرایل خبره په کلکه ردوي او دا چې د اسرایلي وزیراعظم د بیان مقصد ویره راپارول دي.
د وي او ای رپورټ وايي د اسرایل اېم وي هېلیوس ری نومې سمندري جهاز د منځني ختیځ نه سنګاپور ته په لار و چې د جمعې په ورځ پکې د عمان په خلیج کې چاودنه وشوه او سوري پکې وشول.
بېړۍ د اتوار په ورځ د مرمت دپاره د دوبۍ ساحل ته ورسېدو.