لاس رسیدونکی لینک

تازه خبر

کراچۍ: د وزيرستاني ډرايورانو د وژلو پرضد پېل شوی احتجاج د غوښتنو منلو وروسته ختم کړی شوی


د کراچۍ ښار نه بهر په سپرهايي وی غټه لاره باندې پرون د درې وزيرستاني ډرايورانو د وژنې پرضد احتجاجي مظاهره پېل شوې او د کراچۍ، حېدر اباد ترمنځ غټه لاره يې تړلې وه.

شېر ايوب وزیر چې د پښتون ژغورنې غورځنګ (پي ټي اېم) د کراچۍ فعال او د ټرکونود اتحاديې غړی دی وايي دوی ته انتظامي چارواکو باور ورکړی چې ټولې غوښتنې به یې منل شي.

وي او ای ډیوه ته نوموړي ويلي د هغه په مدعيت کې د شورو، چارشنبې د ورځې د وژنو د پېښې مقدمه (اېف ايي ار) درج کړی شوې ده او وروسته دوی احتجاج ختم کړی دی.

خو د مېمن ګوټ د پوليس تاڼې مشر قلندر بخش وايي اېف ايي ار لا نه دی درج کړی شوی مقدمه به د وژل شوؤ کسانو د وارثانو په مدعيت کې درج کولی شي.

هغه وويل احتجاج ختم کړی شوی او غټه لار خلاصه کړی شوې ده.

د پوليس او ډرايورانو په وېنا د شورو په ورځ په کاټور علاقه کې د فرنټيئر ورکس ارګنايزېشن(اېف ډبليو او) او رېنجرز سرتېرو په ډرايورانو ډزې کړي چې پکې د وزیرستان سره تعلق لرونکي درې ډرايوران وژل شوي او دوه نور ژوبل شوي وو.

اېف ډبليو او د کراچۍ او حېدر اباد ترمنځ په غټه لاره ټول ټېکس يا د سړک ټېکس اخلي او يادې ادارې ويلي په ټرکونو د حساب نه زيات وزن اچول شوی ځکه يې دا ګاډي ودرولي وو او ډرايوران وايي ګاډي يې د درې ورځو راهسې ودرول شوي او پرون پکې د ډزو پېښه رامنځته شوې وه.

د یادې پېښې وروسته په سیند صوبه کې د واکمنه پيپلزګوند مشر بلاول بټو زرداري په ټويټر ویلي وزيراعلی مرادعلي شاه ته یې لارښوونه کړې چې د پېښې مالومات وکړي او پېښه کې ککړ کسان د قانون منګولو ته راولي.

پښتون ژغورنې غورځنګ د ډرايورانو د وژنې غندنه کړې ده.

د عوامي نيشنل ګوند سيند څانګې هم د پېښې غندنه کړې او د پلټنوغوښتنه يې کړې ده.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG