لاس رسیدونکی لینک

تازه خبر

پاکستان: پښتونخوا اسمبلۍ کې د ځانګړو څوکیو د سوګند په سر سېنېټ انتخابات ځنډول شوي


نن د پاکستان د برني اېوان سېنېټ د ‏‎30‎‏ څوکيو دپاره د اعلان شوو انتخاباتو کې په پنجاب او سيند صوبې په اسمبليانو کې د رایو ورکولو عمل روان دی، ‏خو په خېبرپښتونخوا کې انتخابات ځنډول شوي او الېکشن کمېشن ويلي، انتخابات به د بل اعلان پورې ځنډېدلي وي.‏

د خېبر پښتونخوا نه د سېنېټ په 11 څوکیو د 26 امیدوارانو ترمنځ مقاله ټاکل شوې وه چې پکې په 7 عمومي څوکیو 16 امیدواران په مېدان کې وو د ‏ټیکنو کریټانو په دوو څوکیو به د 6 او د ښځو په دوو څوکیو به د څلورو ښځو مقابله کېدله.‏

الېکشن کمېشن رسمي ویلي، مخالفه ګوندونو د صوبې په اسبملۍ کې د انتخاباتو ځنډولو دپاره خواست کړی، هغه منظور کړل شوی او انتخابات ځنډول ‏شوي دي.‏

په اسمبلۍ کې مخالفه غړي احمد کريم کنډي صوبايي الېکشن کمېشن ته خواست کړی وو او ويلي يې وو، مخالفه ‏‎25‎‏ غړو تراوسه سوګند نه دی کړی ‏ځکه د سېنېټ انتخابات دې وځنډول شي.‏

وروسته بيا د خېبرپښتونخوا د تحریک انصاف ګوند وزيراعلا علي امین ګنډاپور ويلي، په خېبرپښتونخوا اسمبلۍ کې د سېنېټ د انتخاباتو ځنډولو ‏خلاف به تحریک چلوي.‏

مطبوعاتو سره په خبرو کې ګنډاپور ويلي، چې په مخصوصو څوکيو د منتخب غړو په غېر قانونه توګه د انتخاباتو ځنډولو دپاره خواست شوی وو.‏

هغه زياته کړې، چې الېکشن کمېشن په غېر قانونه توګه د ‏‎25‎‏ غړو څوکۍ ورکړي او د دغو څوکيو د ترلاسه کولو دپاره پوره مقابله کوي.‏

خېبرپښتونخوا اسمبلۍ کې د مخصوصو څوکو د غړو څخه د څوګند نه اخستو په سر لانجه روانه وه.‏

الېکشن کمېشن د مخصوصو څوکو د غړو څخه د څوګند نه اخستو په سر مقدمې منظورې کړې، او له دې وړاندې یې ويلي وو، که د خېبرپښتونخوا ‏اسمبلۍ سپيکر غونډه ونه بلله او د مخصوصو غړو څخه یې څوګند وانه خستو نو په صوبه کې انتخابات ځنډول کېدی شي.‏

په ‏‎27‎م مارچ پېښور هايکورټ د خېبرپښتونخوا اسمبلۍ سپيکر ته حکم کړی چې په مخصوصو څوکو دې د غړو څخه څوګند واخلي.‏

په فېصله کې ویل شوي وو د څوګند اخستو سره دې په مخصوصو څوکو غړو ته د سېنېټ په انتخاباتو کې د برخې اخستو اجازه ورکړل شي، او الېکشن ‏کېمشن بيا ويلي وو په دغسې نه کولو به انتخابات وځنډوي.‏

Forum

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG