لاس رسیدونکی لینک

تازه خبر

پنجاب کې یو تن د غېرت په نوم خپله مور اؤ درې خوېندې وژلې دي


پولیس وایي د پنجاب په خانیوال سیمه کې یو تن د غېرت په نوم خپله مور اؤ درې خوېندې وژلي دي.

د خانیوال د پولیسو د مشر یا ډي پي او له خولې ډاڼ ورځپاڼې پخپل رپورټ کې ویلي چې دا پېښه د خانیوال د کبیروالا تحصیل په اوکانواله سیمه کې شوې ده.

د پنجاب صوبې اعلا وزیرې مریم نواز د پېښې نوټس اخستی اؤ د پولیسو مشر ته یې امر کړی چې پېښه کې ککړ تن باید زر تر زره د قانون منګولو ته راکش کړي.

پولیس وایي په اوکانوالا سیمه کې د اتو خویندو یو ورور د کور دننه په خپلې مور اؤ خویندو ناتاره ډزې کړې چې پکې د هغه مور اؤ درې خویندي وژل شوې دي.

پولیس وایي له ابتدایي پلټنو ورته معلومه شوې ده چې دا وژنې د غیرت په نوم شوې اؤ وایي قاتل د پېښې له ځایه تښتېدلی دی.

د پېښې سره سم د پولیسو لوړپوړي چارواکي اؤ عمله د پېښې ځای ته رسېدلي اؤ د وژل شوؤ کسانو جسدونه د کبیرواله روغتون ته د پوسټ مارټم لپاره رسول شوي دي.

د خانیوال د پولیسو مشر اسماعیل الرحما کهاړک رسنیو ته ویلي چې د تښتېدلي قاتل د نیولو لپاره پولیسو بیلا بیل ټیمونه جوړ کړي دي.

د پنجاب صوبې اعلا وزیرې مریم نواز ددې پېښې په سخته نوټس اخستی اؤ د پنجاب صوبې د پولیسو مشر نه یې د پېښې په اړوند رپورټ غوښتی دی.

مریم نواز پخپل یو بیان کې ویلي د زوي په لاس د مور اؤ دریوؤ خوېندو وژنې سخته خواشینې کړې ده اؤ د پولیسو مشر ته یې لار ښوونه کړې ده چې پېښه کې ککړ تن باید زر تر زره د قانون منګولو ته راکش کړي.

په دې وروستیو کې د پاکستان په بیلابیلو سیمو په ځانګړي ډول خېبر پښتونخوا صوبه کې د غېرت په نوم د وژنو کچه لوړه شوې ده اؤ مطبوعات پرله پسې د غېرت په نوم د وژنو رپورټونه خپروي.

د بشري حقونو د څار نړیوال سازمان هیومن رایټس واچ وایي پاکستان کې د اندازې له مخې هر کال د غیرت په نوم نزدې 1000 ښځې وژل کیږي اؤ د ښځو اؤ نجونو پرضد د تشدد پېښې ټول پاکستان کې یوه سنګینه مسله ده.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG