لاس رسیدونکی لینک

Breaking News

د عمران خان خلاف د "ازادي مارچ" احتجاج پای ته ورسېد، د پلان بي احتجاجونه روان دي

په اسلام اباد کې د حکومت مخالف سیاسي گوندونو "ازادي مارچ" نومې احتجاج دوام لري. په دې اړه د حکومت او د حزب اختلاف تازه دریځونه او نور حال دلته لوستلی شئ


10:57 7.11.2019

په اسلام اباد کې د تحریک انصاف د حکومت پرضد د ازادي مارچ احتجاج دوام لري.

ځايي ميډيا وايي ښايي چې نن د زيارت، پنجشنبې په ورځ د مخالفه ګوندونو د رهبر کمېټۍ او حکومتي کمېټۍ ترمنځ ليدنه وشي.

د رهبر کمېټۍ او حکومتي کمېټۍ ترمنځ د وړاندينو ليدنو تراوسه کومې ښکاره نتيجې مخې ته نه دي راغلي.

مولانا فضل الرحمان وايي د خپلو غوښتنو منلو پورې احتجاج ته دوام ورکوي.

د احتجاج ګډون وال وايي د پروني باران او يخ موسم وروسته يې هم حوصلې لوړې دي او د مشرانو د وېنا ترمخه به يې په احتجاج ناست وي.

20:45 6.11.2019

جلسې ته د پښتونخوا ملي عوامي پارټۍ مشر محمود خان اڅکزۍ هم وینا وکړه او د احتجاج گډون والو ته یې وویل چې دوی هغه مجاهدین دي چې د ولس حکمراني جوړول غواړي.

د محمود خان اڅکزۍ د وینا څه برخه دلته اوریدلی شئ

please wait
Embed

No media source currently available

0:00 0:00:23 0:00


20:07 6.11.2019

د جمیعت علما اسلام (ف) مشر مولانا فضل الرحمان
د جمیعت علما اسلام (ف) مشر مولانا فضل الرحمان

د مخالف سیاسي گوندونو روان "ازادي مارچ" ته په خپله وینا کې د احتجاج مشر د جمیعت علما اسلام (ف) رهنما مولانا فضل الرحمان نن په اوومه ورځ احتجاجي غونډې ته په وینا کې داسې کومې نخښې نښاني ورنکړې چې گنې په اسلام اباد کې د اپوزیشن د زرگونو ملاتړو دا غونډه به په نژدې کې ختمه شي.

مولانا فضل الرحمان وویل د حکومت خلاف د دوی سفر به په استقامت جاري وي.

please wait
Embed

No media source currently available

0:00 0:00:15 0:00


18:43 6.11.2019

د نهې، سه شنبې، په شپه په اسلام اباد کې باران وشو او موسم یخ شو. خو د باران او یخ موسم باوجود هم د "ازادي مارچ" گډون وال په ځای ناست دي او د باران نه د بچ کېدو دپاره خېمې لگوي او نور انتظام کوي.

او وزیراعظم عمران خان په ټوېټر وویل د باران او موسم د یخېدو له امله یې د اسلام اباد د انتظام ادارې سي ډي ای مشر ته امر کړی چې د جی یو ايي په مشرۍ کې کېدونکي احتجاج ځای ته ورشي او اندازه ته دې وکړي چې په د احتجاج گډون والو سره څه ډول مرسته کېدلی شي

په اسلام اباد کې د پاکستان انسټېټیوټ اف مېډیکل ساینسز یا پمز ترجمان ډاکټر وسیم خواجه د وي او ای ډیوه خبریال ارشد مومند ته ویلي د "ازادي مارچ" نه تر د ٢٥٠ پورې کسان د زکام او تبې په رنگ ناروغو سره هسپتال ته ورغلي وو خو د درمنلې وروسته رخصت کړی شو.

د اسلام اباد پمز هسپتال
د اسلام اباد پمز هسپتال

نور کتل

XS
SM
MD
LG