لاس رسیدونکی لینک

Breaking News

د پي ټې اېم په ملاتړ کېدونکی د مېرمنو لاریون دې و درول شي، لاهور هايي کورټ ته خواست


د پي ټي اېم مشر منظور پشتین دا وخت د مختلفو مقدمو په سر په زندان کې دی

پښتون ژغورنې غورځنگ د مېرمنو د نړیوالې ورځ په مناسبت د مېرمنو د لاریون انتظام کوي خو دا تحریک د پاکستان په خلاف اېجنډا عملي کوي نو ځکه دې دغه لاریون ودرول شي. دا غوښتنه د لاهور هايي کورټ نه یو وکیل په خپل خواست کې کړې ده.

د وي او ای د اردو څانگې د رپورټ ترمخه وکیل اظهر صدیق لاهور هايي کورټ ته خواست کې ویلي چې د "عورت مارچ" د عنوان دلاندې کېدونکی لاریون د پي ټي اېم په اشاره کیږي او پي ټي اېم د ریاست په ضد اېجنډا کار کوي نو ځکه دې د سږ کال د مېرمنو لاریون ته اجازت ور نه کړی شي.

د رپورټ ترمخه عدالت ته شوي خواست کې دا هم وېل شوي دي چې پي ټی اېم د مېرمنو د لاریون دپاره په خفیه توگه پېسې هم راټولوي.

د مارچ د میاشت اتمه نېټه په نړیواله کچه د مېرمنو ورځ لمانځل کېږي او د پاکستان په شمول په بېلا بېلو ملکونو کې د دې ورځ په مناسبت خصوصي دستورې کېږي.

لاهور هايي کورټ ته خواست کونکي وکیل اظهر صدیق عدالت ته وویل چې د مېرمنو د لاریون په نوم فحاشۍ ته وده ورکول کېږي او تېر کال په لاریون کې گډون کوونکو مېرمنو داسې قطبې پورته کړې وې چې د اعتراض وړ خبرې پرې لیکل شوې وې.

مطبوعاتو سره خبرو کې وکیل اظهر صدیق وویل که چېرې د مذهب په اړه په قانون کې کومه خبره غیر واضح وي نو دا دې واضحه کړی شي خو چا ته دې هم د مذهب سپکاوي اجازت ورنه کړی شي.

د لاهور هايي کورټ مشر جج جسټس مامون الرشید د مېرمنو د مجوز لاریون خلاف خواست د اورېدلو دپاره منظور کړی دی او د اورېدو دپاره یې د فېبرورۍ د میاشت ٢٧ نېټه ټاکلې ده.

جسټس مامون الرشید د سائبر کرایم ونگ یا په انټرنېټ د جرمونو خلاف څانگې یو لوړ رتبه چارواکي او د لاهور پولیس نایب مشر ته عدالت ته د حاضرېدو امر کړی دی. د دې ترڅنگ، عدالت حکومتي وکیل ته امر کړی چې د داخله وزارت څخه دې هم هدایات واخلي او عدالت دې پرې خبر کړي.

په لاهور کې د "عورت مارچ" یوې منتظمې علینه غني د وي او ای اردو څانگې سره خبرو کې دا تاثر رد کړو چې پي ټي اېم یا بل کوم تنظیم د دوی د لاریون ملاتړ کوي.

علینه غني وویل هغه د تېرو دریو کلونو راهسې په لاریون کې شرکت کوي، سږ کال به یې هم کوي او اینده میاشت کېدونکي لاریون دپاره د چندې په راجمع کوولو په مهم کې هم برخه اخلي. هغې وویل د مېرمنو لاریون دپاره په رسمي ډول د حکومت نه اجازت اخیستل کېږي او د سږ کال د لاریون دپاره هم د لاهور ډپټي کمشنر ته خواست ورکړی شوی دی.

د وي او ای اردو څانگې رپورټ وايي تېر کال د لاهور په شمول د پاکستان په لویو ښارونو کې د مېرمنو د نړیوالې ورځ په مناسبت لاریونونه شوي وو چې پکې مېرمنو د خپلو حقونو په حق کې قطبې پورته کړې وې خو ځینو حلقو په دغو شعارونو تنقید کړی و.

ځانګړې ویډیوګانې

د سوات د سیند په غاړه جشن سوات
please wait

No media source currently available

0:00 0:02:16 0:00

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG