لاس رسیدونکی لینک

Breaking News

د هند او پاکستان ترمنځ د ایټمي جگړې خطر زیاتېدونکی دی ـ رپوټ


يو امريکایي تهنک ټېنک خپل رپورټ کې ويلي چې د هندوستان د واک لاندې کشمير د اوسني صورتحال له امله د هندوستان او پاکستان ترمينځ د جوهري جنګ خطر زيات شوې او په کشمير کې موجوده تاو تريخوالی، په جنوبي ايشيا کې د اېټمي جگړې بڅری ګرځيدی شي.

د جيو پوليټکل انټليجنس پليټ فارم په نامه د امريکاي تهنک ټېنک سټارټ فور دغه رپورټ کې د کشمیر لانجه د کورنې او يا د پاکستان او هندوستان د خپل مېنځ لانجې برعکس، دا د نړيوال امن او سلامتيا کشاله ګرځولې ده.

دا رپورټ پداسې حال کې جاري کړی شوی چې د هندوستان لخوا د کشمير د نيم خپلواکه حثيت د ختمولو وروسته د پاکستان او هندوستان اړيکې ترخې شوي، سفارتي تعلقات قطع شوي او خپل مينځه تجارت هم ودريدلی، او د کنټرول په کرښه د دواړو هېوادونو ځواکونه روزانه په يو بل ډزې کوي.

د پاکستان د پوځ سرلښکر جنرال قمر جاويد باجوه هم ويلي چې په مشرقي پوله د پيښو ګواښونو خبر دې او د هندوستان لخوا د هرقسمه يرغل مخینوي ته بيدار دي.

د امريکایي تهنک ټېنک دا رپورټ وایي چې په جنوبي ايشيا کې د دوو جوهري طاقتونو ترمينځ د جنگ انديښنې هغه مهال لا نورې سيوا شوې چې کله د اګست په ١٦ د هندوستان د دفاع وزير راج نات سنګ د جوهري وسلې د لومړي نه استعمال د لوظ څخه پرشا شو او په دې اړه یې پريکړه د راتلونکي حالاتو سره وتړله.

دې رپورټ د هند د دفاع د وزير دا بيان يوه جنګي دهړکه بللې ده.

د کشمير ميډيا سروېس د راپورونه ترمخه نن د اتوار په ورځ هم د هند د ولقې لاندې کشمير په ٢١ ورځ ګرځبنديز پرځاې ساتل شوی او سيمه کې د ټيلي فون، انټرنيټ او ټي وي اساني تړلې پاته دي.

د اسټارټ فور رپورټ کې ويلي شوي چې هندوستان او پاکستان په ټيکټيکل (وړو) جوهري وسلو سنبال دي چې دواړو خواو ته پوځي کمانډران یې د جنګ په ميدان کې د ابادې يوه لويه برخه په نښه کولې شي.

څيړنکار او د پاکستان د پوځ پخوانې جرنيل طلعت مسعود ډېوه ريډيو ته وویل، په داسې حال کې چې د هندوستان او پاکستان ترمينځ خبرې ودريدلې او اړيکې د نيشت برابر دي، نو ښایي چې يوه غلطي هم جنگ جوړولی شي.

هغه زیاتوي، د جوهري جنگ د خطر اندازه له دې هم لګي چې د نړۍ پوه مشران دواړو هېوادونو ته د کشالې د خبرو د لارې په هواري ټينګار کوي او هغوی دا انديښنه هم لري چې د دوی ترمينځ جوهري جنګ نه يواځې سيمه بلکې نړۍ ته هم خطر جوړيدې شي.

ښکاره دي وي چې د پاکستان وزير اعظم عمران هم د امريکایي اخبار نيو يارک ټايمز سره مرکه کې انديښنه ښودلې وه چې هندوستان او پاکستان ترمينځ تاوتريخوالې نور هم سيوا کيدې شي او بايد چې نړې د دوو جوهري طاقتونو ترمينځ په کړکيچن وضعيت فکرمنده شي.

په پاکستان کې هم حکومتي وزيران د کشمير د کشالې په سر د هندوستان او پاکستان ترمينځ د جنک امکانات ويني.

د ساينس او ټيکنالوجې وزير فواد چوهدري ميډيا ته ویلي "دا وخت دوه جوهري طاقتونه يو بل ته برندې سترګې ولاړ دي او که نړۍ تاوتريخوالې راکم نکړي، نو مونږ خو د جنګ نتيجو ته تيار يو بايد چې نړۍ هم ځان چمتو وساتي."

XS
SM
MD
LG