د پېښور هايي کورټ جنوبي وزیرستان ته تګ دپاره د انتظاميي نه د اجازت نامې اخیستلو د راهدارۍ نظام غیر قانوني وبللو.
د صوبې اعلا عدالت د دوو ججانو ډلې د راهدارۍ خلاف په یو خواست د بحث وروسته خپله فیصله کې وویل چې په ملک کې یو ځای ته هم سفر دپاره د اجازت نامې ضرورت نشته.
د جنوبي وزیرستان په اړه عدالت دغه فیصله په داسې حال کې کړی چې د ضلعې د محسود قبيلې غړي په ټانک کې د درېو مياشتو راهسې په احتجاج ناست دي او غوښتنه کوي چې د راه نجات پوځي عملياتو په مهال دوی ته د اوختي تاوان معاوضه دې ورکړی شي.
په نژدې ورځو کې د سیمي اوسېدونکو د انټرنیټ د نیشت والي خلاف هم احتجاجونه کړي. په داسې حال کې چې په پاکستان کې کرونا وایرس د مخنیوي په غرض لاک ډاون پرځای کړی شوی دی او تعلیمي ادارې بندې دي خو انټرنیټ دلارې زدګړی ورکوي، د جنوبي وزیرستان د طالب علمانو غوښتنه ده چې انټرنیټ د نیشتوالي له امله دوی خپل تعلیم جاري نشي ساتلی.
جنوبي وزیرستان ته د سفر دپاره د اجازت نامې خلاف د سیمې وکیل سجاد احمد محسود پېښور هايي کورټ ته خواست کړی و.
د وي او ای اردو څانګې رپورټ وايي د سجاد احمد محسود هايي کورټ ته د راهدارۍ خلاف خواست کې دریځ یې خپل کړی خو چې د انتظاميي دغه ګام غیرقانوني ځکه چې د پاکستان ایین شهریانو ته د ملک دننه د سفر ازادي ورکوي.
سجاد احمد محسود وي او ای اردو ته وویل د ۲۰۱۹ د شروع ورځو راهسې د جنوبي وزیرستان انتظاميي سیمې ته تګ دپاره د راهدارۍ سند ضروري ټآکلی و. هغه وویل د اجازت نامې میعاد ۱۰ ورځې وو او دا به نه یوازې جنوبي وزیرستان ته تګ دپاره ضروري وه بلګې په سیمه کې دننه به د دې نقل هر امینتي چیک پوسټ ته ورکړی کیدو. د سجاد احمد محسود په وینا دغه اجازت نامه به یوازې د نورو سیمو خلکو دپاره لازمي وه بلکې د سیمې اوسیدونکو دپاره به هم ضروري وه.
سجاد احمد محسود وویل د راهدارۍ خلاف د پېښور هايي کورټ د فیصلې وروسته به د جنوبي وزیرستان خلکو دپاره خپلو سیمو ته تګ اسان شي.
