لاس رسیدونکی لینک

تازه خبر

د پوځي عدالتونو بیا پرځای کولو آئیني ترمیم د پاکستان قامي اسمبلۍ منظور کړو


د وزیراعظم نوازشریف حکومت په کال ٢٠١٥ کې د پیښور په ارمي پبلک سکول باندې د طالبانو د حملې ورسته په وړمبي وار پوځي عدالتونه قایم کړل چې دا رنگ په هیواد کې به د ترهگرۍ مخه ونیولی شي. په سکول حمله کې د ١۴٠ نه کسان وژل شوي وو چې زیاتره ماشومان وو
د وزیراعظم نوازشریف حکومت په کال ٢٠١٥ کې د پیښور په ارمي پبلک سکول باندې د طالبانو د حملې ورسته په وړمبي وار پوځي عدالتونه قایم کړل چې دا رنگ په هیواد کې به د ترهگرۍ مخه ونیولی شي. په سکول حمله کې د ١۴٠ نه کسان وژل شوي وو چې زیاتره ماشومان وو

د پاکستان قامي اسمبلۍ په لوې اکثریت په مشکوک ترهگرو د مقدمو چلولو دپاره د پوځي عدالتونو بیا پرځای کولو آئیني ترمیم او د کال ١٩٥٢ ارمي ایکټ کې د ترمیم قانون منظور کړو. پوځي عدالتونه به د دوو نورو کلنو دپاره پرځای کولی شي.

د وزیراعظم نوازشریف حکومت په کال ٢٠١٥ کې د پیښور په ارمي پبلک سکول باندې د طالبانو د حملې ورسته په وړمبي وار پوځي عدالتونه قایم کړل چې دا رنگ په هیواد کې به د ترهگرۍ مخه ونیولی شي. په سکول حمله کې د ١۴٠ نه کسان وژل شوي وو چې زیاتره ماشومان وو.

د وړمبی پوځي عدالتونو معیاد دوه کاله و چې دوه میاشتې ختم شوی دی.

د نهې، سه شنبې، په ورځ د پارلیمنټ لاندینې ایوان، قامي اسمبلۍ، د دوو میاشتو د تعطل ورسته د دوو نورو کلنو دپاره پوځي عدالتونو د قایمولو دپاره د ووټونو په لوې اکثریت آئیني ترمیم منظور کړو.

ددې سره اسمبلۍ د کال ١٩٥٢ د ارمي ایکټ په نوم قانون کې ترمیم د لارې پوځي عدالتونو ته په ملکي یا سویلین خلکو د مقدمو چلولو اختیار هم ورکړی شو.

د شورو، چارشنبې، په ورځ دا آئینی ترمیم او په ارمي ایکټ کې بدولون د پارلیمنټ ایوان بالا یا سینیټ ته د منظورۍ دپاره ولیږلی شو. کله چې سینیټ هم دا ترمیم منظور کړي نو صدر به يي لاس کوي او بیا به پرې عملداري شروع کیږي.

د واک من پاکستان مسلم لیگ نون پارټۍ په شمول ټولو گوندونو چې په آئین کې د ترمیم په حق کې يي ووټونه واچول، دا دریځ وو چې پوځي عدالتونه په هیواد کې متوازي عدالتي نظام قایموي خو په هیواد کې د ترهگرۍ غیر معمولي صورتحال په وجه ددې قیام ضروري دی.

د انساني حقونو تنظیمونه وايی د عامو عدالتونو پرعکس پوځي عدالتونه د انصاف شفاف نظام نه لري او د ملزمانود بنیادي حقونو خلاف ورزي کوي.

د انساني حقونو نړي والې ادارې هیومن رایټس واچ د ایشیا چارو مسول بریډ ایډمز وايي د پاکستان حکومت ذمه واري لري چې پرتشدد حملو کې ککړ خلکو باندې مقدمې وچلوي خو په خفیه عدالتونو کې چې د حقونو خلاف ورزي پکې کیږي دا پوښتنه راپورته کوي چې ایا انصاف کیږي هم او که نا؟

د وزیراعظم نوازشریف حکومت ویلي وو پوځي عدالتونه ترهگرۍ د مخنیوي دپاره یو عارضي انتظام دی او د هیواد په عدالتي نظام کې د اصلاحاتو لوظ يي کړی و.

پوځي عدالتونو قایمولو دپاره د حکومت یو دریځ دا هم و چې د هیواد په عدالتي نظام کې ډیره بدعنواني ده، عدالتونه په سست روۍ کار کوي، د پولیس د تفتیش نظام ډیرې نیمگړتیاگانې لري، عام عدالتونه د هر قسم فشار سره په اسانه مخامخ کیدی شي چې پکې د وسله والو تنظیمونو لخوا دړکې هم شاملې دي او عیني شاهدین هم د وسله والو د ویرې په مقدمو کې گواهۍ دپاره نه حاضیریږي نو په داسې حال کې عام عدالتونه په مناسب ډول په مشکوک وسله والو د مقدمو چلولو جوگه نه دي.

بلخوا قانوني ماهرین وايي حکومت په عدالتي نظام کې د اصلاحاتو څه سنجیده کوښښ هم نه دی کړی.

"پوځي عدالتونو د راوستلو د لارې حکومت د حقیقي مسلې نه توجه لرې کول غواړي،" دا خبره سام ظریفي کوي چې د ملگرو ملتونو د انټرنیشنل کورټ اف جسټس د براعظم ایشیا مشر دی. هغه وویل د کال ٢٠١٥ نه واخلي د کال ٢٠١٧ پورې په دوو کلنو کې حکومت په عدالتي او مجرمانو سره انصاف په نظام کې په اصلاحاتو کې دناکامۍ سره مخامخ شوی دی.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG