لاس رسیدونکی لینک

Breaking News

په پاکستان کې د بې درکو کسانو د پلټنو سرکاري کمیشن ویلي په ستمبر میاشت کې 34 نور کسان لادرکه شوي


په پاکستان کې د بې درکو کسانو د پلټنو سرکاري کمیشن ویلي دي په ستمبر میاشت کې 34 کسانو د بې درکه کیدلو رپورټونه درج شوي، د کمیشن تر مخه په پاکستان کې 6886 کسان بې درکه دي.

په پاکستان کې د بشري حقونو لپاره کار کونکې ادارې دغه شمیرې نورې زیاتې ښاي.

د کمیشن اعلامیه واي دوي په زوره د بې درکو کړی شوو زرګونو کسانو د پېښو پلټنې کوي.

د بې درکو کسانو لپاره کار کونکی وکیل انعام الرحيم واي کمیشن د بې درکو کسانو پلټنې کوي خو دا نه واي چې ددې کسانو په بې درکه کولو کې څوک ککړ دي. هغه واي کمیشن باید دا په ډاګه کړي چې په زوره د خلکو په بې درکه کولو کې کومه اداره ککړه وه.

د بشري حقونو د خپلواکه کمیشن ایچ ار سي پي پخوانۍ مشره زهره یوسف واي د سرکاري کمیشن کار کردګي نیمګړې ده، د هغې په خیال کله چې دا کمیشن پلټنې کوي نو دا پکې نه واي دا کسان څنګه بې درکه شوي وو.

د بشري حقونو د ادارو غړیو تل د خلکو د بې درکه کولو تور د هیواد په استخباراتي ادارو پورې کړی دی.

د بې درکو کړی شوو کسانو د حقونو لپاره جوړ تنظیم وایس فار بلوچ میسنګ پرسنز مشران تور پورې کوي چې د پاکستان استخباراتي ادارو په زرګونو کسان نیولي او عدالتونو ته یې نه وړاندې کوي.

دسازمان د مشرانو غوښتنه ده چې که په زوره بې درکه کړل شوي کسان په څه غیرقانوي چارو کې ککړ وي نو عدلتونو ته دې وړاندې کړی شي.

تېره میاشت د حکومت مخالفو ګوندونو په ټولګوندیز غونډه کې یوه غوښتنه دا هم شوې وه چې د پاکستاني وګړو د لاردرکۍ روایت دې ختم کړی شي او لادرکه کسان دې عدالت ته وړاندې کړل شي.

د تحریک انصاف یو ایتلافي ګوند بي این پي چې وس د حکومت نه جدا شوې واي دوي د 1500 په زوره د بې درکو کسانو یو فهرست حکومت ته وړاندې کړی دی.

د تحریک انصاف ګوند په واک کې د راتلو په وخت ددغو بې درکو کسانو د مسلې د حل کولو لوظ کړی ؤ، خو وس د حکومت مخالفین واي حکومت په دغه لوظ ځان غلی کړی دی.

د پاکستان مشران واي داسې خلق چې د دښمن په لمسه د هیواد په ادارو حملې کوي د هغوي کارونه د زغملو وړ نه دي.

د پاکستان پوځي چارواکو اکثر ويلي په بلوچستان کې ځیني داسې تنظیمونه متحرک دي چې د هند په لمسه اړی ګړی جوړوي.

پوځ ددغه تورونو نه هم انکار کوي چې دوي په زرګونو کسان په زوره بې درکه کړي دي.

XS
SM
MD
LG