لاس رسیدونکی لینک

تازه خبر

په پاکستان کې د بشري حقونو کمېشن د دوو احمديانو وژنه غندلې ده


پاکستان کې د بشري حقونو کمېشن (اېچ ار سي پي) د پنجاب صوبې په "منډي بهاوالدين ضلع کې د احمدي لږکیو د دوو کسانو وژنه په کلکه غندلې او ويلي یې دي، په ځانګړي ډول دا د اندېښنې وړ ده چې د دغه حملې ملزم د مدرسې يو کم عمره زده کوونکی وو".‏

د احمديانو د وژنو پېښې د خالي- شنبې په ورځ شوې، پوليس او احمدي مشرانو ويلي وو د وژل شوو يو تن عمر ‏‎60‎‏ کاله او بل ‏‎30‎‏ کلن وو.‏

اېچ ار سي پي په اېکس (پخواني ټویټر) پوسټ کې ویلي، "په مبينه توګه حمله کوونکي ويلي هغه د عقيدې په بنياد دغه قدم پورته کړی دی".‏

د بشري حقونو کمېشن زياته کړې، "احمدي ورورولۍ بيا بيا په ګوته کړې چې توندروه بيانونه ځايي ځوانان بنياد پرسته کوي خو افسوس چې د دوی ‏اندېښنې د پامه غورځول شوي دي".‏

اېچ ار سي پي غوښتنه کړې، "رياست له د مبينه مجرم خلاف پرېکنده کارروايي پکار ده او د کرکې د ډکو ويناګانو سره دې د عقيدي په بنياد تشدد ته د ‏هوا ورکولو د زمه وارو سره حساب وکړل شي".‏

د پاکستان پنجاب صوبه کې په وروستيو کې د تشدد دغه ډول پېښې سېوا شوي دي.‏

د منډي بهاوالدين ضلعې پوليس مشر مطبوعاتو سره خبرو کې ويلي، د خالي د ورځې د وژنو پلټنې یې پيل کړي او يو مشکوک حمله کوونکی یې نيولی ‏دی.‏

د يادو پېښو زمه واري په سمدستي توګه چا نه ده منلې خو احمدي ټولنه تور لګوي چې ښی اړخه مذهبي ګوند تحریک لبېک پاکستان يا ټي اېل پي خپل ‏پلويان په احمديانو او د دوی د عبادت په ځايونو حملو پله پاروي.‏

د ټي اېل پي مشران په مستقله توګه په خپلو لاريونونو او غونډو کې د احمديانو ضد دسپکاوي ژبه کاروي، او د توهين په سر یې د وژلو غږ کوي.‏

احمدیان ځان مسلمانان ګڼي، خو د پاکستان پارلیمان په کال ‏‎1974‎‏ کې احمديان غېر مسلمه ګرځولي او په کال ‏‎1984‎‏ کې په قوانينو کې د بدلون د لارې ‏ويل شوي چې احمديان به ځان بلواسطه يا بلاواسطه مسلمانان نه ظاهروي. ياده لږکۍ په پاکستان کې په عامه توګه د خپلې عقيدې يا تبليع او عبادت د ‏ځايونو څخه هم منع کړل شوې ده.‏

په سويلي اسيايي هيوادونو اکثره نیوکې کيږي چې دوی د عيسايانو په ګډون د خپلو لږکيو پرضد د جرمونو مخنيوي دپاره پوره اقدامات نه کوي.‏

تېره مياشت هم د پنجاب په سرګودها سيمه کې پارېدلي مظاهره چيان د عيسايانو په مجاهد کالونۍ ورغلي د قران د سپکاوي په تور په نزير مسيح نومې ‏عيسايي وګړي د چاکوانو او لرګيو ګوزارونه او تشدد کړی، او دغه تن بيا نهه ورځې وروسته ژوند د لاسه ورکړی وو.‏

د نذير مسيح کورنۍ په هغه د مذهب د سپکاوي تورونه رد کړي وو. ‏

پاکستان کې د مذهب د سپکاوي مسله انتهايي حساسه ګڼل کيږي، او د قران او اسلامي عقيدې د سپکاوي سزا مرګ دی خو تراوسه پورې چاته دغه سزا ‏نه ده ورکړل شوې.‏

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG