د پاکستان کالعدم تحریک طالبان د گل، د دوشنبې په ورځ د دې خبرې تصدیق وکړو چې د ډلې نایب امیر خان سید سجنا د پاک افغان پولې ته څېرمه د ډرون په حمله کې وژل شوی دی.
د تحریک طالبان پاکستان ویاند په دې اړه خپل یو بیان کښې وویل چې خان سېد سجنا په ٨ مه فرورۍ د پیشلمي په وخت د شمالي وزیرستان په گوروېک سیمه کې د بې پائلټه الوتکې لمنځه وړی دی.
امریکني چارواکي اکثره پاکستان کښې دننه د داسې قسمه بریدونه په اړه څه نه وايي، خو د پاکستان استخباراتي ادارو چارواکو او ځایي قبائلي سرچینو طالبانو د اعلان نه وړاندې پخلی کړی و چې خان سېد سجنا د خپلو ملگرو سره د خوست افغانستان نه په پاکستان کې خپل کور ته راروان وو چې ډرون یې موټر ویشتلو.
د خان سېد سجنا په اړه ویل کیږي، چې د افغانستان په خوست ولایت کې پناه ځای لرلو او د حقاني ډلې سره یې نژدې اړیکي وو. په حقاني ډله په افغانستان کې په امریکايي ځواکونو د حملو الزام لگول کیږي.
څیړونکي وايي د خان سید مرگ د طالبانو لپاره لوې زیان دی.
په امریکني وگړو بریدونو کښې لاس لرلو په سر سجنا امریکا ته هم مطلوب وو.
پاکستان ته هم د ترهگرۍ په یو شمیر پیښو او کال ٢٠١٢ کښې د بنو جیل ماتولو په پیښه کښې سجنا مطلوب و. دغه جیل نه د ترهگرو پشمول ۴٠٠ قیدیان تښتیدلې وو.
د طالبان لخواه جاري بیان زیاتوي د خان سېد سجنا پرځایې مفتي ولي نور د هغه ځای ناست ټاکل شوی دی.
شمالي وزیرستان او دې سره خواه کښې نورې قبائلي سیمې د ډیرې مودې نه د هاغه ترهگر ډلو اډه پاتې شوې چې د پاک افغان پولې دواړو خواو ته فعالیتونه کوي.
د پاکستان د پوځ چارواکي وايي، د دوي سترو ځمکني او هوايي عمليات چې په کال ٢٠١۴ کښې پيل شوي وو تر ډېره حده دا سیمه د ترهگرو څخه پاکه کړې، او په پاک افغان پوله د اغزن تار لگولو سره به د یاغیانو تگ راتگ لار مخنیوی هم ممکن شي.
اسلام اباد دریځ لري چې د پاکستان پوځي عملیاتو دلاسه ډیر ترهگرو د افغانستان په بې ثباته سیمو کښې پناه اخېستې او دغه خواه نه پاکستان کښې ترهگر کاروایانې کوي.
پاکستان او افغانستان په یو بل د هاغه ترهگر ډلو د ملاتړ تورونه لگوي چې دواړه خواؤ ته کاروایانې کوي او هم دې دلاسه د گاونډیانو ترمینځ په وروستیو کښې تعلقات هم خراب شوي دي.
