د پاکستان دخيبرپښتونخوا سرښار پيښور کې ترسره شوې يوې موټري بم چاؤدنه کې لږ ترلږه دوه کسان وژل شوي او د لسو نه زيات نور ژوبل شوي دي.
د خيبرپښتونخوا دسينئر وزير بشير احمد بلور وينا ده دپيښور دخيبربازار سره نزدې په شعبه چوک کې په يو گاډي کې د سيلنډر دچاؤديدو له امله درنه چاؤدنه شوې.
مړۀ او ژوبل کسان دپيښور ليډي ريډنگ روغتون ته رسول شوي دي.
سرچينې وائي دچاؤدنې څخه وروستو اور ولگيدو ، خو اور وژونکې عمله داور په وژلو کې کاميابه شوې ده.
دچاؤدنې څخه سم لاسي وروسته امدادي ډلې، دبمونو ناکاره کوونکې ډله او دقانون نافذونکو ادارو چارواکي ورسيدل او ټوله سيمه يې پخپله ولقه کې واخسته.
1
