په عامو انتخاباتو کې په دروند اکثریت د هغه د ګوند د کامیابۍ وروسته د لېبرپارټۍ مشر کېیر سټامر د جمعې په ورځ د برطانیې نوی وزیراعظم وټاکل شو.
د برطانې باچا چالز دریم په بکېنګهم محل کې په یوه دستوره کې سټامر د وزیراعظمۍ په چوکۍ په رسمي ډول مقرر کړو.
د سټامر د کنزروېټیو پارټۍ پېش رو رشي سونک په انتخاباتو کې ماتی تسلیم کړو او د خپلې کورنۍ ترڅنګ يې په لندن کې د وزاعظم سرکاري کور چې ټېن ډاونېنګ سټريټ هم نومېږي خالي کړو. چالز په بکېنګهم محل کې د سونک استعفا منظوره کړه.
په خپل الوداعي تقریر کې سونک وویل هغه دپاره دا یوه سخته ورځ ده خو په دې خبره فخر محسوسوي چې د هغه په قول د دنیا د بهترین ملک وزیراعظم په توګه یې کار وکړو.
د جمعې په سحر سونک په انتخاباتو کې د خپلې پارټۍ بېلات ومنلو او ویې وېل ووټرانو خپل فېصله واروله.
سونک تسلیم کړه چې حکومت يې کړي او د سټامر دپاره يې د نېکو خواهشاتو اظهار وکړو.
لېبر پارټۍ د برطانې د پارلېمنټ د ۶۵۰ چوکو څخه ۴۱۰ وګټلې. کنزروېټیو پارټۍ ۱۱۸ سيټونه وګټل.
سټامر خپلو پلویانو ته وويل په دومره لویه کچه اکثریت لوی ذمه وارۍ هم د ځان سره راوړي. لېبر پارټي د تېرې یوې لسیزې نه د زیات وخت راهسې په حزب اختلاف کې پاتې شوې ده.
په داسې وخت کې چې د لندن په افق د سحر لمر راختلو، سټامر په خپل تقریر کې وویل ولس ته به لمر د رڼا په شان امید ورکوي. هغه زیاته کړه چې په شروع کې به دا رڼا تته وي خو بیا به هره ورځ زیاتېږي.
اېسوسي اېټېډ پرېس خبري اداره وايي د سټامر حکومت ته د خراب اقتصاد، په حکومتي ادارو د اعتماد د نیشتوالي او په ټولنه کې د انتشا په شان مسلې ور په غاړه دي.
خپل تقریر کې سټامر لوظ وکړو چې تبدیلي اوس شروع شوه.
Forum