د افغانستان سر ښار کابل کې د خارجه وزارت سره نژدې په یو سېکورټي چېک پوسټ د ګل، دوشنبې، په ورځ ځانمرګي حملې لږ تر لږه شپږ کسان وژل شوي دي.
د روېټرز خبري ادارې ترمخه، د کابل د پولیس ترجمان خالد ځدران وویل ځانمرګي حمله کونکي په ملک اصغر چوک کې د تلاشۍ په مهال خپل چاودېدونکي مواد چلول.
ځدران وویل په چاودنه کې د طالب امنیتي چارواکو په شمول ګڼ شمېر کسان زخمیان شوي دي.
ځدران و نه وېل چې د حملې هدف څه وو خو روېټرز وايي په کومه کوڅه کې چې چاودنه شوې په کې د خارجه وزارت په شمول یو شمېر حکومتي ودانۍ موجود دي.
د چاودنې د ځای سره نژدې د هغه هسپتال مشر چې د اټلي امدادي اداره يې چلوي، رویټرز وویل هلته ۱۲ زخمیان یو دوه مړي وړل شوي وو.
په افغانستان د طالبانو د بیا واکمېندو نه پس په کابل او په نورو ځایونو کې یو شمېر چاودنې شوي دي چې ځینې په کې داعش خراسان وسله والې ډلې منلي دي.
د جنورۍ په میاشت کې د خارجه وزارت سره نژدې بم چاودنه کې پېنځه کسان ووژل شوو.
طالبان وايي د داعش خلاف یې عملیات کړي دي او د ډلې ځینې اهم غړي يې وژلي دي.
یادونه: د دې خبر معلومات د رويټرز خبري ادارې نه اخیستل شوي دي
