د شام د انساني حقوقو یوه ډله وايي د حکومتي ځواکونو په هوائي بمبارۍ کې د سرښار دمشق سره نزدې ٢٧ کسان وژل شوې دي.
برطانیه کې میشته د سیرین ابزرویټري فار هیومن رائټس، چې شام کې په حالاتو نظر ساتي، وايي حملو کې د خیتز غوته سیمه کې گڼ شمیر کلې په نخښه شوې دي. ډله وايي حملو کې شپږ شله کسان زخمیان شوې هم دي.
هوايي حملې په سرښار دمشق د باغیانو د بمبارۍ ورسته شوې دي. ابزرویټري واي په دمشق د باغیانو په بمبارۍ کې یو کس وژل شوی او شل نور کسان زخمیان شوې دي.
د شام حکومتي خبري ادارې ثنا ویلې دمشق کې حملې د ادارې په قول "ترهگرو" کړې دي چې پکې مارټرې او راکټې استعمال شوي او نتیجه کې يي پنځه ملکي کسان وژل شوي او پنځه پنځوس نور زخمیان شوې دي.
کال ٢٠١١ کې حکومت خلاف پرامنه احتجاجونه چې کله راهسې په خانه جنگۍ کې بدل شوي، د شام حکومت باغیان د ترهگرو په نوم یادوي. ویل کیږي چې د شام په خانه جنگۍ کې تر دا وخت دوه لکه او څلویښت زره کسان وژل شوې دي او ملگري ملتونه وايي د یولسم نیم ملین نه زیات خلک په خپلو کورونو پریښودو مجبور شوي دي.
د شورو چارشنبې په ورځ شام کې د تشدد واقعات په داسې موقع شوي دي چې د ایران خارجه وزیر جواد ظریف شام کې د جنگۍ په مامله خبرو اترو دپاره دمشق ته رسیدونکی دی. شام کې خانه جنگي بندولو دپاره جواد ظریف د خپلې منصوبې په اړه خبرې د نهې یا سه شنبې په ورځ لبنان کې د حزب الله ډلې مشرانو سره د لیده کاته په موقع کړې دي
