لاس رسیدونکی لینک

Breaking News

کوز دير: د پوليو د ټيم ساتونکي دوه پولیس په بريد کې وژل شوي


د خېبرپښتونخوا په کوز دير علاقه کې نالومالومه کسانو د پوليو ضد څاڅکي ورکوونکي ټيم ساتونکي دوه پوليس په ډزو وژلي دي.

د کوز دير د لال قلعه پوليس وي او ای ډیوه سره په خبرو کې پخلی وکړو چې نن سهار د بشي ګرام په مرخڼۍ علاقه کې دوه پوليس فرمان الله او مکرم خان د پوليو ضد څاڅکي ورکوؤنکي ټيم ساتنې له روان ؤ چې په لار کې پرې نامالومو کسانو ډزې کړي دي.

د لال قلعه پوليس تاڼې يو افسر سلطان غني وايي د نامالومو کسانو په ډزو کې دواړه پولیس په ځای مړه شوي دي.

هغه وويل د پوليو کوم کارکوونکی په ډزو کې نه دی په نخښه شوی او د پېښې وروسته په علاقه کې د پوليو کمپاين هم روان ساتل شوی دی.

هغه زياته کړه د پېښې وروسته علاقې نور پولیس رسېدلي، د لټون عمليات يې پېل کړي خو تراوسه کومه ګرفتاري نه ده شوې.

تحريک طالبان پاکستان د دې بريد زمه واري منلې ده.

په کوز دير کې دغه پېښه په داسې حال کې شوې چې په خېبرپښتونخوا کې چارواکو ادعا کړې وه د پوليو د کمپاين دپاره يې د امنيت کلک ګامونه پورته کړي دي.

په پاکستان کې د پوليو ضد څاڅکو پينځه ورځني کمپاين نن درېمه ورځ ده چې پېل کړی شوی دی.

په پاکستان کې سږ کال تر اوسه پورې د پوليو ۱۰۴ پېښې مخې ته راغلي چې پکې تر ټولو زياتې پېښې په خېبرپښتونخوا صوبه کې رپوټ شوي او شمېره يې ۷۵ ده.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG