د امریکې یوې مشهورې ورځپاڼې وئیلې د ملگرو ملتونو خفیه نقشو کې ښودل شوي دي چې افغانستان کې امنتي وضعه په خرابیدو ده، ددې باوجود چې سپېنې مانړۍ وئیلې افغانستان د پاره تگ لاري يي کامیابه ترلاسه کړې دي.
وال سټریټ جرنل نومې ورځپاڼې د گل په ورځ شائع شوې خپل رپورټ کې وئیلې چې د ملگرو ملتونو دوه نقشې يي لیدلې دي.
ورځپاڼه وائي یوه نقشه افغانستان کې د سږ کال د مارچ د میاشتې حالات ښائي او په دویمه نقشه کې د اکتوبر د میاشتې د اخرۍ ورځو حال ښودل شوی دی.
وال سټریټ جرنل وائي په نقشو کې ښودل شوې دي جنوبي افغانستان د مارچ او اکتوبر په میاشتو کې د امریکائې عسکرو په مشرۍ کې د نړي والو ځواکونو او طالبانو په منځ کې د جنگ تر ټولو خطرناک میدان دی.
وال سټریټ جرنل وائي د ملگرو ملتونو په نقشو کې هاغه ١٦ ولایتونه چې وړاندې محفوظ گڼلی کیدل هغه خطرناک گرځولی شوې دي او په شمالي، مرکزي او غربي افغانستان کې د هاغه ولایتونو شمیره کمه شوې ده چې وړاندې هلته د خطرې کچه ټیټه وه خو دغه خطرزیات شوی دی.
وال سټریټ وائې ملگرې ملتونه د سفر او د خپلو منصوبو چلولو په اعتبار د مختلفو سیمو د حالاتو جاج اخلي.
افغانستان کې د ملگرو ملتونو ترجمان وئیلې د هیواد په زیاتره برخو کې د تشدد د سیوا کیدو په وجه ملگرو ملتونو او نورو مرستندویه ادارو د پاره د امدادي سامان ویشل گران شوې دي.
د امریکې صدر باراک اوبامه وئیلې چې افغانستان کې پرمختگ جاري دی خو حالات نازک دي او ترلاسه شوی پرمختگ پشا کیدی شي.