د امریکې صدر ډانلډ ټرمپ ویلي د افغانستان د امریکې شکاگو ښار په مقابل کې ډیر زیات پرامنه دی.
خو د امریکې اېسوسي اېټډ پرېس خبري اداره وايي د صدر ټرمپ دغه خبره د حقیقت سره سمون نه خوري ځکه چې د ترهگرۍ په لحاظ افغانستان د نړۍ په خطرناکو هېوادونو کې شامل دی.
په افغانستان او شکاگو کې د تشدد په اړه ای پي وايي په افغانستان کې په یوه میاشت کې د تشدد دلاسه چې څومره کسان وژل شوي په شکاگو کې په یو کال کې نه دومره نه دي وژل شوي.
شکاگو د امریکې دریم لوې ښار دی او ای پي وايي صدر ټرمپ شکاگو د یو داسې ښکار په توگه ښکاره کول غواړي چې شهري ادارې پکې سم کار نه کوي. رپورټ وايي په تېرو وختونو کې صدر ټرمپ شکاگو د وار زون یا د مېدان جنگ په نامه هم باد کړی دی.
ای پي وايي په تېرو کلونو کې صدر ټرمپ ویلي چې په شکاگو کې تشدد په نړیواله کچه د امریکې دپاره د شرمندگۍ سبب دی "په ټوله دنیا کې خلک د شکاگو په اړه خبرې کوي. په موازنه کې افغانستان محفوظ ځای دی."
خو ای پي وايي حقایق دا نه څرگندوي چې افغانستان د شکاگو په مقابل کې محفوظ ځای دی.
ای پي وايي په افغانستان او شکاگو کې د وژنو په اړه نیغ نیغه څه شمېر شمیرې نشته. د افغانستان ابادي ٣٨ مېلینه ده او شکاگو دوه اشاریه اووه مېلینه ابادي لري. په کال ٢٠١٧ کې په افغانستان کې د ١٠٠٠ کسانو په سر د وژنو شرح اووه اشاریه یو وه چې په کال ٢٠١٨ کې د شکاگو نه ټیټه وه. په دغه کال کې په شکاگو کې د ١٠٠٠ کسانو په سر د وژنو شرح ٢٠ اشاریه اووه وه.
