لاس رسیدونکی لینک

Breaking News

طالبانو هغه حمله ومنله چې درې امریکايي عسکر پکې وژل شوي


طالبانو په امریکايي ځواکونو د حملې ذمه واري په داسې حال کې اخېتسې چې استازو یې په افغانستان کې د امن دپاره د امریکې خاص استازي زلمي خلیلزاد سره د مذاکراتو یو شمېرناستې کړې دي

د افغانستان طالب وسله والو د هېواد په شمال کې د هغې حملې ذمه واري په غاړه واخیسته چې پکې درې امریکايي عسکر وژل شوې دي.

په افغانستان کې مېشته امریکايي ځواکونو د کابل څخه په یو بیان کې وویل د گل، دوشنبې، په ورځ د سړک په غاړه شوي چاودنه کې درې نور عسکر زخمیان هم شول.

د پېښې په لومړو رپورټونو کې وویل شوي وو چې یو غیر پوځي امریکايي کارکونکی هم وژل شوی دی. خو د نهې، سه شنبې، په ورځ امریکايي ځواکونو وویل چې دغه کارکونکی وژل شوی نه دی زخمي دی او په شهریت امریکايي نه افغان دی.

په افغانستان کې د امریکایي ځواکونو مشر جنرل سکاټ ملر د نهې، سه شنبې، د ورځې په خپل بیان کې د وژل شویو عسکرو کورنیو سره غمرازي وکړه او وې یې ویل "زمونږ مشن به دوام لري."

په افغانستان کې د امریکايي ځواکونو ترجمان د وي او ای انگریزۍ څانگې ته د امریکاعسکرو گزمې سره نژدې په امریکايي ځواکونو موټر بم وچلوول شو.

افغان طالبانو په امریکايي ځواکونو د حملې ذمه واري په غاړه واخیسته.

طالبانو په امریکايي ځواکونو د حملې ذمه واري په داسې حال کې اخېتسې چې استازو یې په افغانستان کې د امن دپاره د امریکې خاص استازي زلمي خلیلزاد سره د مذاکراتو یو شمېرناستې کړې دي.

تېره میاشت د افغانستان په کندز ولایت کې دوه امریکايي عسکر د طالبانو خلاف عملیاتو کې ووژل شو.

سږ کال په افغانستان کې تر دا مهال اووه امریکايي عسکر وژل شوې دي.

XS
SM
MD
LG