د چين درې صنعتي توکي جوړونکې کمپنيانې امريکا ته د مال صادرولو نه منع کړل شوي چې دوی ممکن د پيداوار ترلاسه کولو د پاره ويغور مزدوران په بيګار اچولي وي.
د څار نړيوالې ادارې د چين په حکومت تور لګولی په شمالي ښار سينکيانګ کې يې بيګار کيمپونه جوړ کړي چې د ويغور او ترک نسله لږکيو لکه قزاق او د کيرغېز مزدورانو نه په کې جبري مشقت اخستل کيږي.
د امريکا استخبارات اوس په دې باور دي چې په سينکيانګ کې درې کارخانې د چين د حکومت سره په ګډه په سيمه کې د مسلمانانو لږکيو د لا غلامولو او ځورولو په کار لګيا دي.
د امریکې چارو وزير اليهانډرو مايورکس د پرېکړې په اړه ويلي “مونږ داسې کمپنيانې نه شو زغملی چې په جبري مشقت لګيا وي او د ذاتي ګټې د پاره د بشري حقونو پايمالي کوي”.
وزارت خارجه د نهې، سه شنبې په ورځ قانوني حکم کړی او د چين لخوا په سينکيانګ کې د روانې نسل وژنې او د بشر خلاف د جرمونو خلاف يې خبرداری ورکړی چې په لويه کچه په زور مشقت اخستل کيږي.
بيجينګ دا تورونه ردوي.
د وروستيو بندېزونو سره تور نوملړ ته د کاروبارونو د اچولو شمار 27 ته رسېدلی خو ناقدين وايي دا شمار اوس هم د نيشت برابر دی.
سينېټر مارکو روبيو چا چې د يو اېف اېل پي ای په قانون جوړولو کې ملاتړ کړی وايي “په حقيقت کې د چين په زرګونو داسې کمپنيانې دي چې په جبري مشقت کې ککړې دي”.
Forum