لاس رسیدونکی لینک

Breaking News

په کېلېفورنیا کې په ځنگلونو د اور له امله ۴٢ کسان مړه شوي


د کېلېفورنیا گورنر چېري براون د بېړني حالاتو اعلان کړی دي او د مرکزي حکومت څخه یې د مالي کومک غوښتنه کړې ده

د امریکې د کېلېفورینا ریاست په شمالي برخه کې په ځنگلونو د لگېدلي اور دلاسه ۴٢ تنان مړه شوي او د سلگونو په شمېره کې نور تنان بې درکه دي.

دغه اور د ریاست په تاریخ کې تر ټولو خونړی گڼل کیږي چې د پېرډایز ښار شا او خوا لگېدلی دی.

د چارواکو په وینا د سلگونو په شمېره کې د خلکو درک نه معلومېږي.

د اور د لاسه د کېلېفورنیا د بحیره الکاهل په ساحل پرتو سیمو کې ١٥٠٠٠٠ خلک په خپلو کورونو پرېښودو مجبور شوې دي او په شا او خوا ١٠٠٠ مربع کلومېټر علاقه یې کورونه، تجارتي مرکزونه او ځنگلونه یې سوزولي دي.

چارواکو ویلي د خشک موسم او تندو هواگانو دلاسه اور په تندۍ خور شوی دی.

د کېلېفورنیا گورنر چېري براون د بېړني حالاتو اعلان کړی دي او د مرکزي حکومت څخه یې د مالي کومک غوښتنه کړې ده.

صدر ډانلډ ټرمپ کېلېفورنیا کې لوې افت ټاکلی دی او د اور د متاثرینو سره یې د مالي امداد ژمنه کړې ده.

XS
SM
MD
LG