لاس رسیدونکی لینک

تازه خبر

امریکا: پاکستان دې په وخت او منصفانه انتخابات وکړي


وېکټوریا نولېنډ
وېکټوریا نولېنډ

امریکايي سفارتکارې وېکټوریا نیولېنډ د پاکستان نګران خارجه وزیر جلیل عباس جېلاني سره په خبرو کې ویلي چې پاکستان دې اینده انتخابات په وخت او په منصفانه ډول وکړي.

د امریکې د سټېټ ډپارټمنټ یا خارجه وزارت ترمخه، نولېنډ د نهې، سه شنبې، په ورځ جېلاني سره په ټېلې فون خبرې وکړې.

د بیان ترمخه، دواړو چارواکو د پاکستان د قوانینو سره سم، په وخت، په بې طرفه او منصفانه ډول د انتخاباتو په اهمیت بحث وکړو.

سټېټ ډپارټمنټ وویل نولېنډ او جېلاني د پاکستان په اقتصادي په ثبات او د نړیوالې مالیاتي ادارې ايي اېم اېف سره د پاکستان دوامداره ښکلېتیا په موضوع هم خبرې وکړې.

د پاکستان پخوانی وزیراعظم عمران خان چې تېر کال پارلېمنټ د عدم اعتماد د تحریک په زریعه د اقتدار نه لرې کړی، ويلي هغه د امریکې په مبینه سازش د حکومت نه وېستل شوی دی.

د پاکستان نګران خارجه وزیر جلیل عباس جېلاني
د پاکستان نګران خارجه وزیر جلیل عباس جېلاني

امریکايي او د پاکستان پوځ د عمران خان دغه خبره ردوي.

د روېټرز خبري ادارې ترمخه، په ټېلې فون خبرو کې نولېنډ او جېللاني د عمران خان ذکر نه دی کړی.

عمران خان د کرپشن په سزا جېل کې دی او د انتخاباتو دپاره نا اهل ټاکل شوی دی.

د پاکستان نګران وزیراعظم انوارالحق کاکړ چې د اګست په میاشت کې يې سوګند پورته کړی، د اینده انتخاباتو د انتظام ذمه واري ور په غاړه ده.

روېټرز خبري اداره وايي نوي انتخابات چې د نومبر په میاشت کې کېدونکي دي، ممکنه ده چې د نوو حلقه بندیانو له امله وځنډېږي.

د رپورټ ترمخه، د پاکستان الېکشن کمېشن د دې میاشت په شروع کې وویل چې د تازه سرشمېرنې یا د مردم شمارۍ په بنیاد د نویو انتخابي حلقو جوړولو کار ته به د ډسمبر د ۱۴ نېټې پورې حتمي شکل ورکړی شي او د دې نه پس به کمېشن د انتخاباتو د نېټې تصدیق وکړي.

یادونه: د دې خبر معلومات د روېټرز خبري ادارې نه اخیستل شوي دي

Forum

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG