امریکا او اروپایي ټولنه د الوتکو د سبسیډي په اړه د اوږدې مودې راهسې جاري شخړه کې یو پراخ تړون ته رسېدلې دي.
واشنګټن په مشروط ډول په اروپا باندې تر پنځو کلونو پورې ټیکسونه معطله کوي چې د تجارت نړیوال سازمان یې اجازه ورکړې وه، ځکه چې یاد سازمان ګڼل ایئر بس ته غیر عادلانه سبسیډي ورکول کیږي.
ایئر بس د الوتکو جوړولو غټه اروپایي کمپنۍ ده چې د امریکا له بوئنګ کمپنۍ سره لویه سیالي لري.
د امریکا له صدر جوبایډن سره د رسمې خبرو په پیل کې د اروپایي کمیشن صدرې ارسولا وان ډير لین وویل “دا غونډه د الوتکو په اړه له پرمختګ څخه پیل شوه”.
هغې وویل دا په حقیقت کې د امریکې او اروپايي ټولنې په اړیکو کې یو نوی باب پرانیزي، ځکه چې فریقېن له 17 کلونو ورسته د الوتکو په هکله له قانوني چارو څخه د همکارۍ و لورې ته روان شو.
د امریکا د سوداګرۍ استازي کیتهرین تائ وویل چې دغه تړون “د امریکا او اروپا په اړیکو کې د اوږدې مودې تجارتي ناورین حل کوي”. هغې وویل له خپل نږدې ایتیلافیانو سره د جګړې پر ځای موږ بالاخره د یو شریک ګواش په ضد یو ځای کېږو.
میرمن کیتهرین وویل موږ موافق شوې یو چې د چین د غیر کاروباري چلند د مخنیوي او چیلنج لپاره ګډ کار وکړو چې په دغه برخه کې د عادلانه سیالۍ لپاره دوی معیارونه و ځلوي.