د امریکا صدر براک اوباما به نن د گل یا دوشنبې په ورځ د ملگرو ملتونو عمومي شورا یا د جنرل اسمبلۍ سالانه غونډې ته وینا کوي.
د وائټ هاوس یو چارواکې ویلي صدر اوباما به په خپل تقریر کې په منځني ختیز کې د داعش وسله والې ډلې خلاف د اجتماعي اقداماتو پورته کولو په ضرورت زور اچوي.
صدر اوباما به ایران او د شپږو نړي والو قوتونو ترمنځ د ایران ایټمي پروگرام په اړه ترسره شوي معادې ذکر هم کوي.
د وائټ هاوس چارواکې ویلي صدر اوباما به ددغه معاهدې ذکر د دې مثال په توگه کوي چې نړي واله ټولنه د هغه هیواونو احتساب کولی شي چې د نړي والو قوانینو خلاف ورزي کوي. او ددې مثال په توگه به يي هم کوي د نړي واله همکاري او د اصولو سفارتکاري څه قسمه نتیجې ترلاسه کولی شي.
په شام کې د صورتحال په اړه به صدر برا ک اوباما داعش خلاف د نړي والې ټولنې لخوا د مشترکه کوښښونو او د شام د صورتحال د سیاسي حل په ضرورت زور اچوي.
د صدر اوباما د حکومت مامورین وايي د شام د کړکیچ سیاسي حل تر هغه پورته نشې راویستل کیدی تر څو صدر بشارالسد په حکومت کې وي.
امکان دی چې صدر براک اوباما به نیویارک کې د گل یا دوشنبې په ورځ د روس صدر ولادیمیر پوټن سره ملاقات کې هم د شام په صورتحال خبرې اترې کوي.
صدر ولادیمیر پوټن سره د صدر اوباما ملاقات په داسې مهال کیدونکی دی چې واشنگټن په شام کې د روس د پوځ د موجودگۍ په اړه اندیښمني څرگنده کړې ده. د وائټ هاوس ترجمان جاش ارنسټ ویلي شام سره د روس پوځي امداد داسې چال دی چې نتیجه به يي په ناکامۍ تمامیږي.
