ملګرو ملتونو خبرداری کړی چې په غزه کې ناروغۍ خورېدلی شي

د ملګرو ملتونو د صحت ادارې ورلډ هېلت ارګنایزېشن خبرداری کړي چې په غزه کې انساني ژوند ته د بمبارۍ زیات لوی خطر د ناروغو خورېدلو راوړلا کړی دی.

ډبليو اېچ او وویل د خلکو د ګڼې ګوڼې، د څښلو د صفا اوبو او د صفايي د نیشت والي له امله د ماشومانو د هېضې په شان د ناروغو د پېدا کېدو دپاره حالات برابر شوي دي، چې خطر يې د معمول د حالاتو نه ۱۰۰ فیصد زیات شوی دی.

د ډبلیو اېچ او ترجمانې د نهې، سه شنبې، په ورځ په جنیوا کې خبري غونډې ته وویل که د صحت نظام ښه نه کړی شو نو په غزه کې به بالاخر د بمبارۍ نه زیات د ناروغو دلاسه د خلکو مرګونه ولیدل شي.

ډبلیو اېچ او ویلي د خوراک کمی هم د ناروغو خطر زیاتوي ځکه چې د خوراک کمی انسان کمزوری کړي او بیا پې بیماري په اسانه اثر کوي.

په غزه کې خلک په علاج کې د مشکل سره مخامخ کېږي ځکه چې طبي عمله کمه ده او د دوایانو او وېکسینز کمی هم دی.

د ګڼې ګوڼې د ځای نه د خځلې نه اوچتېدل د ناروغو د خورېدو په اړه تشویش زیات کړی دی.

په غزه کې د حالاتو په اړه ډبلیو اېچ او د ډز بندۍ او د غزه ولس ته په مستقل ډول امداد د رسولو غوښتنه کړې ده.

ډبلیو اېچ او په اېکس، پخواني ټوېټر، غوښتنه وکړه چې د ملکي کسانو او د صحت د خېرښېګړې د نظام تحفظ او د نړیوال قانون احترام دې وشي.

په اووم اکتوبر په اسرایل د حماس د حملې په جواب کې اسرایل په غزه کې د حماس خلاف عملیات شروع کړي دي. په اسرایل د حماس په حمله کې ۱۲۰۰ کسان وژل شوي او تر ۲۴۰ پورې کسان حماس یرغمال ونیول. حماس خلاف د اسرایل په عملیاتو کې د فلسطيني چارواکو په وېنا په غزه کې د ۱۴۰۰۰ نه زیات کسان وژل شوي دي.