لاس رسیدونکی لینک

Breaking News

اسلام اباد: عدالت د ممتازقادري د مرگ سزا برقرارساتلې


ممتاز قادري د کال ۲۰۱۱م د جنورۍ په څلورمه نېټه د اسلام اباد په يو مارکيټ کې په سلمان تاثير ډزې کړې او وژلی يې ؤ ،

د اسلام اباد هائيکورټ نن د گل په ورځ د پنجاب وژل شوي گورنر سلمان تاثير وژونکي ممتاز قادري د مرگ د سزا اپيل خارج کړی او د تعزيرات پاکستان د دفعې ۳۰۲ لاندې يې د هغه د مرگ سزا برقراره ساتلې ده .

د اسلام اباد هائيکورټ د دوه کسيزه ججانو بينچ چې جسټس نورالحق قرېشي او جسټس شوکت صديقي باندې مشتمل دی ، بينچ د ممتاز قادري په اپيل باندې په ۱۱م فرورۍ فېصله محفوظ کړې ، او نن يې د هغه اپيل خارج کړو .

نن د فېصلې اورولو په وخت د اسلام اباد هائيکورټ نه چاپېره سخت امنيتي گامونه پورته کړی شوي وو .

د راپورونو ترمخه د اسلام اباد هائيکورټ د قادري د مرگ سزا برقراره ساتلي ، ولې د هغه په ضد لگول شوې د ترهگرۍ سيکشن ۷م دفعه يې ختمه کړی ده .

د قادري وکيلانو وئيلي چې د اسلام اباد هائيکورټ لخوا د قادري په ضد د مرگ سزا برقرارساتلو فېصله به په ستره محکمه کې چېلنج کوي .

ممتاز قادري د کال ۲۰۱۱م د جنورۍ په څلورمه نېټه د اسلام اباد په يو مارکيټ کې په سلمان تاثير ډزې کړې او وژلی يې ؤ ، ممتاز قادري د سلمان تاثير په سرکاري ساتونکو کې شامل ؤ .

ممتاز قادري د ترهگرۍ د مخنيوي عدالت ته وړاندې د جرم اعتراف کړی او وئيلي يي ؤ چې گورنر يې د ناموس رسالت په اېکټ کې د بدلون د ملاتړ په خبره وژلی ؤ .

XS
SM
MD
LG