د امريکې خارجه وزير جان کېري د پاکستان قبائيلي سيمې مومند ايجنسۍ په امبار تحصيل کې د دوه ځايي چارواکو په وژنه د هغوي د کورنو سره غمرازي کړې او د پښې غندنه يې کړې ده .
دغه دواړه کسان چې امريکايي قونصلګرۍ کې کارکوؤنکي ځايي چارواکي وو، د نهې په ورځ هغه وخت وژل شوي چې کله د پاکستاني چارواکو سره د نشه يي توکو د مخنيوي ادارې (ای اېن اېف) په کاروان د قبائيلي سيمې مومند ايجنسۍ په امبار تحصيل کې د دويې کاروان تېرېدو .
د نهې په ورځ جاري شوي يو بيان کې جان کېري وئيلي ، زه په دې خبر يم چې د وژل شوؤ کورنۍ د کوم غم نه تيريږي او د هغويې د غمرازۍ دپاره يواځې الفاظ پوره نه دي ، او نوموړي وئيلي، تاسو ته دې معلومه وي چې هغويې مونږ ته ياد دي او مونږ د هغويې د کورنو سره په دغه غم کې شريک يُو.
نوموړي وئيلي " دغه ناوړه حمله هغه ياد تازه کوي چې په ګرده نړۍ کې زمونږ سفارت کار او ځايي اهلکار چې په سفارتکارۍ مامور وي هغويې د دغه ډول خطرو سره مخامخ کيږي " .
جان کېري وئيلي، مونږ د پېښې د پلټنې او د ملزمانو د قانون منګولو ته د راوستو په لړ کې ځايي حکومت ته د ضروري مرستو وړانديز کړی دی .
د امريکې خارجه وزير وئيلي محکمه خارجه يې د کوربه هېوادونو د اهلکارو عزت کوي کوم چې په ګرده نړۍ کې دويې سره کار کوي، هغه وئيلي دغه ښځې او سړي اهلکار د خپلو کورنو ، سيمې او ښار د خلکو د ژوند ښه کولو د جذبې سره کار کوي .
نوموړي وئيلي مونږ په دغه ډول قربانو د هغويې مننه کوؤ .
د مومند ايجنسۍ ځايي پوليټيکل چارواکو د نهې په ورځ وئيلي ؤ چې د سړک غاړې ښخ بم په چاؤدنه کې د دوه کسانو د وژنې سره څلور نور چارواکي ژوبل شوي هم وو .
