دعراق کرد پيش مرګه ځواکونو داتوار په ورځ دعراق ترټولو لويې ښار موصل څخه بهر دداعش دجنګيالو په ضد لويې پرمختګ کړى دى.
دښار څخه بهر دپيش مرګه کمانډرانو ميډيا ته ويلي دي دهغوي جنګيالي بعشيقه ښار ته داخل شوي کوم چې دداعش دقبضې لاندې موصل څخه دلسو کلو ميټرو په فاصله شمال لوري ته موقعيت لري.
خو صحافيانو ته ښار ته دداخليدو اجازه نه ده ورکړې شوې او دګل تر سحره دښار دوضعيت په اړه کومه تايد شوې اطلاع نه ده ترلاسه شوې.
دکرد پيش مرګه کمانډرانو وينا ده هغوي دداعش تر قبضې لاندې سيمو کې په لويه پيمانه پرمختګ کړى او دلويې لارې غټه برخه يې ازاده کړې ده چې له امله يې دداعش تګ راتګ محدود کړى شوى دى.
دعراقي ايتلافي ځواکونو پرمختګ په داسې حال کې مخې ته راغلى چې دامريکا ددفاع وزير نزدې اربيل ښار کې دکرد مشر مسعود بارزاني او مهمو کماندرانو سره ليدنه کړې ده.
وروستو دکارټر په اه ويل شوي پيش مرګه په غوره طريقې سره جنګيږي، هغوي په مړانې سره جنګيږي او هم له دې امله ورته مرګ ژوبله اوړي.
بغداد کې عراقي وزيراعظم حيدرالعبادي سره شوې يوه ليدنه کې کارټر دا هم ويلي چې واشنګټن دعراق قيادت کې دايتلاف اضافي ملاتړ ته چمتو دى که چرې عراق او امريکايي کمانډر ددې لپاره خواست کوي.
