د پاکستان قبايلي سيمي مومند ايجنسۍ کې د اتوار په ماښام وسله والوپه برید کې د لیویز ځواک دوه عسکر وژل شوي دي.
د مومند ایجنسۍ پوليټکل انتظاميې ډيوه ريډيو ته ويلي د تحصيل صافو خانقاه ماربل غر کې جوړه چیک پوسته کې ليويز عسکر ناست وو چې نامعلومه وسله والو پرې ډزې وکړې.
د چارواکو په وينا دواړه عسکر ژوبل شوي وو چې وروستو يي په روغتون کې ژوند د لاسه ورکړو.
د پوليټیکل انتظاميې د چارواکو په وینا سيمه کې يي د پېښې وروستو د لټون عمليات پېل کړي خو لا تر اوسه په دغه اړه يې نورمعلومات ميډيا سره نه دي شريک کړي.
د ليويز د عسکرو د وژنې زمه واري د تحريک طالبان پاکستان جماعت الاحرار ډلې منلې او ويلي یې دي دا يي د حکومت پرضد د رعد نومې عملياتو برخه ده.
د مومندو ايجنسۍ تحصيل صافو کې تيره اوونۍ هم د امن لښکر يو غړی بمي چاودنه کې وژل شوی و چې په ترڅ کې يي پوليټکل انتظامي د ايف سي ار قانون اجتماعي زمه وارۍ لاندې د ماربلو په غرونو کې کار کولو باندې بنديز لګولې وو.
په تيره لږه موده کې د مومندو ايجنسۍ تر ټولو زياتې د بدامنۍ پيښې په تحصيل صافو کې رامينځ ته شوي دي.